EENHAT aloqa liniyalari
To‘g‘ri simli aloqali EENHAT
To‘g‘ri simli aloqa qo‘llaniladigan EENHAT sxemasi eng sodda va eng ko‘p tarqalgan hisoblanadi. Qurilmalarga kam sarf-harajat bo‘lganda korxona energetigi real vaqt oralig‘ida barcha sexlar va bo‘limlardagi elektr energiya iste’molini kuzatish imkoniyatiga ega bo‘ladi.
Bunday sxemalar asosan, o‘rta va kichik quvvatli korxonalar elektr energiyasini texnik hisobga olishni avtomatlashtirish uchun qo‘llanildi. Hisoblagichlarni kompyuterga ulash RS-232/485 adapter orqali standart tashqi ta’sirlardan himoyalangan UTP5 cat tarmoq kabeli yordamida amalga oshiriladi. Bunda 32 tagacha hisoblagichlarni bitta guruhda birlashtirish mumkin, liniyaning uzunligi 1200 metrgacha, ma’lumotlarni uzatish tezligi 115200 kB/s gacha bo‘lishi mumkin.
Modem aloqali EENHAT
Modem aloqali EENHAT ni qurishda har doim ham samarali ishlatilmaydigan AIJ hamda elektr energiyasi hisoblagichi atrofida sifatli raqamli telefon liniyasini bo‘lishi ko‘zda tutiladi.
GSM modemli EENHAT
GSM modemlarda EENHAT ni qurish juda qulay va bu sxemalar oson ishlatiladi. Bunday sxema AIJ dan hisoblagichlar qanday masofada bo‘lishidan qat’iy nazar, elektr energiyasini hisobga olishning avtomatlashtirilgan tizimini yaratish imkoniyatini beradi. DT hamda GSM modem o‘rnatilgan istalgan AIJ hisoblagichlaridan ma’lumotlarni olish imkonnini beradi. Shunday qilib, ma’lumotlarni korxona energetigining hamda yuqori pog‘onalardagi AIJ lardan ma’lumotlarni olish va tahlil qilish imkoniyati yaratiladi.
Ma’lumotlarni uzatish moduli asosidagi EENHAT
TC-485 ma’lumotlarni uzatish moduli asosidagi EENHAT ni qurish korxona energetigi lokal AIJ dan to‘g‘ri simli aloqali EENHAT bo‘yicha va viloyat energiya ta’minoti korxonasi AIJ dan GSM kanali orqali hisoblagichlarda saqlanayotgan axborotlar to‘g‘risida ma’lumotlarni olish zarur bo‘lgan hollarda optimal yechim hisoblanadi.
Bunday hollarda korxonaga zamonaviy GSM modemlarni sotib olish zarurati va GSM aloqaga sarflarni qilishi kerak bo‘lmaydi.
Bundan tashqari, TC-485 ma’lumotlarni uzatish moduli “Energiya-9” markali hisoblagichlari bilan ishlash uchun moslashtirilgan va qo‘shimcha sozlash ishlarini va DT ni talab qilmaydi. Bu esa o‘z navbatida bu sxemadagi EENHAT ni ishga tushirish harajatlarini kamaytiradi.
Nazorat savollari:
1. EENHAT tushunchasiga ta’rif bering?
2. EENHAT qanday pog‘onalarga ajratilgan.
3. EENHAT da nechta turdagi aloqa liniyalari ishlatiladi?
Dostları ilə paylaş: |
