Multimediali kitoblar - bitta axborot tashuvchi vositaga
jamlangan (masalan, CD-ROM diskiga) matnli, ovozli, statik-dinamik va
video tasvirli maʼlumotlardan tashkil topgan oʻquv kitobi dasturiy vosita.
Flash ― Web-designerning ijodkorlik quroli boʻlib, u shunday dasturki,
uning yordamida turli prezentatsiyalar, kichik oʻyinlar, multimediali web
sahifalar, dinamik saytlar va boshqa istalgan multimediali mahsulotlar
tayyorlash mumkin. Flash yordamida yasalgan mahsulotlarning hajmi kichik
boʻladi, shuning uchun ham unda tayyorlangan fayllarni web sahifalarga
joylash yoki internet boʻylab joʻnatish juda qulay.
Flashda, asosan, quyidagilar tayyorlanadi:
•
multipikatsion rolik va multfilmlar;
•
videoroliklar;
•
oʻyinlar;
•
prezentatsiyalar.
Microsoft Power Point dasturi Windows qobigʻi ostida yaratilgan boʻlib, ushbu dastur
prezentatsiyalar (taqdimot qilish, yaʼni tanishtirish) bilan ishlash uchun eng qulay boʻlgan dasturiy
vositalardan biri hisoblanadi. Bu dastur orqali barcha koʻrgazmali qurollarni yaratish va baʼzi
joylarda esa maʼlumotlar ba’zasi sifatida ham qoʻllash mumkin. Ayrim hollarda bu dasturni
multimedia vositalaridan boshqarish va qoʻllab, namoyish etuvchi qurilmalarga yuborish
vazifalarini ham bajarish mumkin. Dasturda ishlash uchun biz yangi boʻlgan asosiy tushunchalar
bilan tanishaylik.
Prezentatsiya ― slaydlar va maxsus effektlar toʻplami boʻlib, ularni ekranda koʻrsatish,
tarqatiladigan material, maʼruza rejasi va konspekt shaklida bitta faylda saqlanadi.
Slayd ― prezentatsiyaning alohida kadri boʻlib, matn, sarlavha grafik va diagrammalarni
oʻz ichiga oladi. Power Point vositalari bilan yaratilgan slaydlarni oq-qora rangli printerda chop
etish yoki maxsus imkoniyatlari yordamida 35 millimetrli slaydlarni fotoplyonkalarda tayyorlash
mumkin.
