1.7-rasm. Geoaxborot tizimining qo‘llanilish sohalari (Manba: Internet)
sayohatchilar uchun o‘zlariga maqbul mehmonxona, sayohat manzillari va albatta, to‘g‘ri yo‘nalish topishda;
fermerlar uchun yangi yerlarni o‘zlashtirishda, yerlarning holatini aniqlashda va ular to‘g‘risida yetarli ma’lumot olishda juda qo‘l keladi.
Bundan tashqari, GAT ekologiya va atrof-muhitdan foydalanish, dengiz, aviatsiya va avtomobil navigatsiya tizimida, shaharsozlikda, marketingda, favqulodda vaziyatlarni boshqarish va rejalashda, sotsiologiya, politologiya hamda boshqa sohalarda qo‘llaniladi.
GATning geodeziya va ayniqsa, kartografiya sohalarida qo‘llanilishidan bir qancha yengilliklar kelib chiqadi. Bunda ish hajmi keskin ortib, ma’lumotlarni qayta ishlash va bosmaga chiqarish kabi ishlarga sarflanadigan vaqt keskin kamayadi. Bundan tashqari, ma’lumot olish bilan bog‘liq bo‘lgan ishlar miqdor va sifat jihatidan ortadi. Bunda hozirgi kunda mavjud zamonaviy geodezik asboblar, jumladan elektron taxeometrlar, sun’iy yo‘ldosh orqali obyektning koordinatasini o‘ta yuqori aniqlikda bera oladigan qabul qilgich (priyomnik) lar juda ham katta yordam beradi. Shu jihati bilan an’anaviy kartografiya, ya’ni oldingi qog‘ozli ko‘rinishdagi geoma’lumotlar yordamida ishlash bilan taqqoslaganda elektron geodezik asboblarga, sun’iy yo‘ldosh ma’lumotlariga asoslangan hozirgi zamonaviy kartografiya bir qancha afzalliklarga egadir.
jadval
