Mavzu: O'zbekistonda moliya bozorining shakllanishi

O‘zbekiston Respublikasi Prezidenti Sh. Mirziyoyev
Mavzuning dolzarbligi. Bugungi kunda bozorni pul resurslari bilan zo’r berib to’ldirish davom etayotgan xalqaro fond va xom-ashyo bozorlarida sun’iy ravishda oshirib borilgan spekulativ narxlarning paydo bo’lishi moliyaviy ko’piklarning yanada avj olishiga olib kelmoqda. Jahon miqyosida konvertatsiya qilinadigan asosiy valutalarning beqarorligi oqibatida rivojlanayotgan mamlakatlarning ushbu valutalarga bo’lgan ishonchiga jiddiy putur yetishi va
boshlangan inqiroz xalqaro moliya sohasini tartibga solish tizimida nuqsonlar borligini yana bir bor tasdiqlab, xalqaro moliya bozori barqarorligini ta’minlash maqsadida uning rivojlanish omillari va uning milliy moliya bozoriga ta’sirini o’rganish zaruratini yanada oshishiga sabab bo’lmoqda.
O’tgan yil yakunlarini sarhisob qilganda, global jahon moliyaviy-iqtisodiy inqirozi hali ham davom etayotgani qaramasdan, 2021-yilda O’zbekiston o’z iqtisodiyotini barqaror sur’atlar bilan rivojlanishni davom ettirdi, aholi turmush darajasini izchil yuksaltirish ta’minlandi, dunyo bozoridagi o’z o’rnini mustahkamladi.
Dunyoning eng yirik davlatlari Markaziy banklari tomonidan real aktivlar bilan deyarli ta’minlanmagan pullami chiqarish davom etayotgani, shuningdek, sun’iy moliyaviy vositalar - derivativlarning nazoratsiz chiqarilayotgani ko’plab nufuzli xalqaro tahlil markazlari va ekspertlarda jiddiy tashvish uyg’otmoqda. Moliya va bank bozorini ortiqcha likvidlik bilan to’ldirish, bunday siyosatni davom ettirish ulkan spekulativ “ko’piklar” hosil bo’lishi, zahira valutalari va milliy valutalarning qadrsizlanishi, inflatsiya darajasining o’sish xavfini tug’dirmoqda.
Kurs ishining o’rganilganlik darajasi. O’zbekistonda moliya tushunchasi, umumdavlat moliyasi, moliya bozorining shakllanishi va rivojlanishi haqida ko’plab o’zbek olimlari o’rganishgan va kitoblar yozishgan. Bunga misol qilib, Malikov T ning ‘Iqtisod va moliya’ kitobini, Haydarov N. H. ning “Moliya” kitoblari, Nuriddinova V.Sh. ning “Moliyaviy nazorat” nomli o’quv qo’llanmalarini misol qilishimiz mumkin.
Kurs ishining maqsadi iqtisodiyotni moderizatsiyalash sharoitida O’zbekiston moliya bozorining rivojlanish omillari va tendensiyalarini aniqlash, uning barqarorligini ta’minlashga qaratilgan taklif va tavsiyalar ishlab chiqishdan iborat.