Mavzu Sug'urta sohasini tartibga soladigan qonun va qonun osti hujjatlar

3.1. O’zbekiston Respublikasining «Tadbirkorlik faoliyati erkinligining kafolatlari to’g’risida»gi Qonunining 5-moddasiga kiritilgan o’zgartirish va qo’shimchalarga ko’ra:
kichik tadbirkorlik sub’ektlari uchun qonun hujjatlarida nazarda tutilgan imtiyozlar va preferensiyalar, kafolatlar va huquqlar ushbu moddaning birinchi qismida ko’rsatilgan tadbirkorlik sub’ektlari tomonidan vakolatli organlarga va tashkilotlarga (davlat soliq, bojxona xizmati organlariga, davlat statistika organlariga, banklarga va boshqalarga) yozma ravishdagi murojaatlarsiz qo’llaniladi.
Shuningdek, Kichik tadbirkorlik sub’ektlari uchun qonun hujjatlarida nazarda tutilgan imtiyozlar va preferensiyalarning ro’yxati O’zbekiston Respublikasining interaktiv davlat xizmatlari yagona portalidagi Tadbirkorlik sub’ektlari uchun imtiyozlar va preferensiyalarning yagona reestrida e’lon qilinadi hamda doimiy ravishda yangilab boriladi.
O’zbekiston Respublikasining interaktiv davlat xizmatlari yagona portalidagi Tadbirkorlik sub’ektlari uchun imtiyozlar va preferensiyalarning yagona reestrini shakllantirish hamda doimiy ravishda yangilab borish tartibi O’zbekiston Respublikasi Vazirlar Mahkamasi tomonidan belgilanadi.
3.2. Mazkur Qonunning 30¹-moddasiga muvofiq davlat organlari, ularning mansabdor shaxslari qonun hujjatlarida berilgan imtiyozlar va preferensiyalarni qo’llash tartibini o’z vakolatlari doirasida tushuntirishi, shuningdek ularning qo’llanilishini ta’minlashi shartligi belgilandi.
4. O’zbekiston Respublikasining Soliq kodeksiga kiritilgan o’zgartirish va qo’shimchalar bo’yicha:
4.1. Kodeksning 44-moddasida Soliq hisobotini tuzish soliq to’lovchi tomonidan imzolanishi kerak, shuningdek agar u kichik tadbirkorlik sub’ekti bo’lmagan yuridik shaxs bo’lsa, uning muhri bilan tasdiqlanishi, agar hisobot elektron hujjat tarzida taqdim etilgan soliq hisoboti soliq to’lovchining elektron raqamli imzosi bilan tasdiqlanishi belgilandi.
4.2. Kichik tadbirkorlik sub’ektlari uchun dumaloq muhrga ega bo’lish majburiyati bekor qilinganligi munosabati bilan, Soliq kodeksning 64-moddasi yettinchi qism oltinchi xatboshiga kiritilgan o’zgartirishda, soliq to’lovchi bilan uning debitori o’rtasidagi o’zaro hisob-kitoblarning solishtirma dalolatnomasida quyidagi ma’lumotlar ko’rsatilgan bo’lishi kerak: soliq to’lovchi va uning debitorining taraflar muhri bilan tasdiqlangan (muhr mavjud bo’lgan taqdirda)  imzolari, ushbu moddaning to’rtinchi qismida nazarda tutilgan hollar bundan mustasno degan mazmunda;