Mavzu Sug'urta sohasini tartibga soladigan qonun va qonun osti hujjatlar

4.10. Kodeksning 329-moddasi 37-band bilan to’ldirilib, unga ko’ra mulkdorlar – xususiy mulk huquqini amalga oshirish bilan bog’liq bo’lgan huquqlari va qonuniy manfaatlari buzilganligi to’g’risida davlat organlari va boshqa organlarning, fuqarolar o’zini o’zi boshqarish organlarining qarorlari, ular mansabdor shaxslarining harakatlari (harakatsizligi) ustidan sudga shikoyat qilish haqidagi ishlar yuzasidan umumiy yurisdiksiya sudlarida davlat bojini to’lashdan ozod qilinishi belgilandi.
4.11. Kodeksning 330-moddasi 30 va 31-bandlar bilan to’ldirilib:
30) mulkdorlar – xususiy mulk huquqini amalga oshirish bilan bog’liq bo’lgan huquqlari va qonuniy manfaatlari buzilganligi to’g’risida davlat organlari va boshqa organlarning, fuqarolar o’zini o’zi boshqarish organlarining qarorlari, ular mansabdor shaxslarining harakatlari (harakatsizligi) ustidan sudga shikoyat qilish haqidagi ishlar yuzasidan;
31) arizachi va javobgar – huquqiy ta’sir choralarini qo’llash to’g’risidagi ishlar bo’yicha Хo’jalik sudlarida davlat bojini to’lashdan ozod qilindi.
5. O’zbekiston Respublikasining «Elektron raqamli imzo to’g’risida»gi Qonunining 6-moddasiga kiritilgan o’zgartirishga muvofiq O’zbekiston Respublikasi Davlat soliq qo’mitasi huzuridagi ro’yxatga olish markazi tomonidan berilgan elektron raqamli imzo kaliti sertifikatiga ega bo’lgan shaxslar davlat va xo’jalik boshqaruvi organlari, mahalliy davlat hokimiyati organlari hamda tijorat banklari tomonidan ko’rsatiladigan barcha turdagi xizmatlardan erkin foydalana olishi belgilangandi.
Demak, mazkur qonun bilan O’zbekiston Respublikasining ayrim qonunlariga kiritilgan o’zgartirish va qo’shimchalar sug’urta faoliyati bilan shug’ullanayotgan yuridik shaxslar faoliyatini ham ishonchli himoya qilishni ta’minlash, ushbu faoliyatni rivojlantirish yo’lidagi ortiqcha byurokratik to’siq va g’ovlarni bartaraf etishga xizmat qiladi.
2015 yil 25 avgustda O’zbekiston Respublikasining “Investitsiya va pay fondlari to’g’risida”gi O’RQ-392-sonli qonuni qabul qilingan bo’lib, ushbu qonunning maqsadi investitsiya va pay fondlari faoliyati sohasidagi munosabatlarni tartibga solishdan iborat.
O’zbekiston Respublikasi Prezidentining 2015 yil 22 dekabrdagi “O’zbekiston Respublikasining 2016 yilgi asosiy makroiqtisodiy ko’rsatkichlari prognozi va Davlat byudjeti parametrlari to’g’risida”gi PQ-2455-sonli qarori bilan Soliq qonunchiligiga kiritilgan o’zgartirishlar.