6-jadval ma’lumotlaridan ko‘rinadiki, “NAMUNAˮ mas’uliyati cheklangan jamiyatda hisobot davrida to‘rt xil assortimentdagi mahsulotlar ishlab chiqarish rejalashtirilgan bo‘lib, ulardan “Bˮ, “Sˮ va “Dˮ assortimentdagi mahsulotlar natura holatida ortig‘i bilan ishlab chiqarilgan.
“Aˮ assortimentdagi mahsulot bo‘yicha ishlab chiqarish rejasi esa to‘liq bajarilmagan. Buning natijasida jamiyatda hisobot davrida jami assortiment hisobiga 494430 ming so‘mlik mahsulot ishlab chiqarilgan bo‘lib, o‘rtacha assortiment rejasining bajarilishi 98,9 % (494430 : 500000 x 100)ni tashkil qilgan.
Demak, jamiyatda assortiment rejasining bajarilmasligiga asosan “Aˮ turdagi mahsulot ishlab chiqarish rejasining bajarilmasligi sabab bo‘lgan. Shu bois, “NAMUNAˮ mas’uliyati cheklangan jamiyat rahbariyati assortiment rejasi bajarilishini ta’minlash maqsadida o‘z vaqtida tegishli choralarni ko‘rishi lozim.
