Mawallafi Dr. Abd Ar-Rahman bin Abd Al-Kareem Ash-Sheha د. عبد الرحمن بن عبد الكريم الشيحة

HAQIQANIN RAYUWAR DUNIYA:

Allah mabuwayi mai daukaka ya bayyana mana haqiqannin duniya kuma ya bamu labari lallai ita duhu ce: allah madaukaki yana cewa: " ku sani cewa rayuwa duniya wasa ce da shagala da qawa da alfahari a tsakanin ku da gasar wadata ta dukiya da 'diya, kamar misalin shuka wadda yabanyarta ya bayar da sha'awa ga manoma, sannan ta qeqashe, har ka ganta ta zama rawaya, sannan ta koma rauno, kuma a lahira akwai azaba mai tsanani da gafara daga allah da yarda, kuma rayuwar duniya bata zama ba face 'dan jin da'din ru'di kawai." ⁽⁷²⁾، allah madaukaki yace: "saboda haka abunda aka baku ko menene to jindadin rayuwar duniya ne, kuma abunda ke wurin allah shine mafifici kuma shine mafi wanzuwa ga wadanda suka yi imani kuma suna dogaro da ubangijinsu (ka'dai)." suratul sura aya ta 36.

Allah madaukaki yana cewa: " ka buga musu misalin rayuwar duniya, kamar ruwa ne wanda muka sauqar dashi daga sama sannan tsirin qasa ya garwaya dashi sannan ya wayi gari dudduga, iska tana shiqarsa kuma allah ya kasance mai yawan ikon yine akan dukkan komai. * dukiya da 'diya sune qawar rayuwar duniya, kuma ayyuka masu wanzuwa na qwarai sun fi zama alkhairi awurin ubangijinka ga lada kuma sunfi alkhairi ga buri⁽⁷³⁾ .

Kasancewar duniya wulakantacciya ce shiyasa allah yah ore ma mumini da kafiri ita.allah mai tsarki da daukaka yana cewa: "kuma alokacin da ibrahim yace, ya ubangijina! ka sanya wannan gari amintacce ka azurta mutanensa daga 'ya'yan itacen, wanda yayi imani daga gare su da allah da ranar lahira, allah yace, wanda ya kafirta ma ina jiyar dashi da'di ka'dan, sannan kuma ina tilasta shi zuwa ga azabar wuta kuma makomar ta munana⁽⁷⁴⁾ .kuma allah yana cewa: " dukkansu muna taimakon wa'dannan da wa'dancan daga kyautar ubangijinka, kuma kyautar ubangijinka bata kasance hananniya ba.* ka duba yadda muka fifitar da sashensu akan sashe! kuma lallai lahira ce mafi girman darajoji kuma mafi girman darajoji kuma mafi girman fifitawa⁽⁷⁵⁾

kuma an kar'bo daga sahal (ra) yace: manzon allah (saw) ya wuce ta gaban wata mushen tunkiya sai yace: shin kuna ganin wannan tunkiyar wulaqantacciya ce ga ma'abotanta? sai sahabbai suka ce " ai saboda wulaqantacciya ce suka jefar da ita, sai manzon allah (saw) yace: na rantse da wanda numfashi na yake wajensa, duniya ita ce mafi wulaqantuwa a wurin allah akan wannan tunkiyar gs ma'abotanta, kai da ace duniya matsayinta ya kai kwatankwacin sauro da bai shayar da kafiri kur'bin ruwa 'daya ba⁽⁷⁶⁾ .

kuma allah madaukakin sarki yana kwadaitar da mu dan gane da ranar lahira da ni'imomin ta, yana cewa: ba haka ba! kuna za'bin rayuwa ta kusa (wato) duniya * alhali lahira ita ce mafi alkhairi kuma mafi wanzuwa⁽⁷⁷⁾ .kuma manzon allah (saw) yana cewa: " wallahi ita duniya ba komai bace akan lahira face kamar 'dayanku ya saka yatsarsa 'dinnan a kogi, sai ya duba da mai ta dawo?." muslim ne ya ruwaito.

lahira bata kasancewa (wato samun dacewa) sai dai wasu mafifita daga halitta wadanda allah ya yarda da su, allah madaukakin sarki ya fada: " to amma wanda yayi kyauta, kuma yayi taqawa * kuma ya gaskata kalma mai kyau * to zamu sauqaqe masa har ya kai ga sauqi * kuma amma wanda yayi rowa kuma ya wadatu da kansa * kuma ya qaryatar da kalma mai kyau * kuma zamu saqaqe masa har ya kai ga tsanani⁽⁷⁸⁾ .

wannan baya nufi "arrahbaniyyatu" (shine barin jin dadin duniya da gujewa mutanenta) da barin dadda'da da dadda'dan abubuwan da allah ya halatta mana na daga abubuwan ci da sha da tufafi da kuma aure, allah madaukakin sarki yana cewa: " kace, wanene ya haramta qawar allah, wanda ya fitar saboda bayinsa, da masu da'di daga (abunda) ya azurtasu⁽⁷⁹⁾ . kuma manzon allah (saw) yace: "mumini mai qarfi yafi alkhairi da kuma soyuwa zuwaga allah akan mumini mairauni amma acikin kowanne akwai alkhairi،kayi kwa'dayin abinda ke amfaninka kuma kanemi taimakon allah kada ka gajiya, kuma idan wani abu yasame ka kada kace inda na aikata abu kaza-kaza da zai kasance kaza, sai dai kace allah ne ya qaddara haka, kuma abunda yaga dama ya aikata, saboda lallai ita tana bu'de aikin she'dan⁽⁸⁰⁾.

abinda shari'a take nema shine tsaka-tsakiya a rayuwa, allah madaukakin sarki na cewa: kuma ka sanya hannunka ququntacce zuwa ga wuyanka, kuma kada ka shimfi'da shi dukkan shimfi'dawa, har ka zama abun zargi wanda ake yankewa⁽⁸¹⁾

ME AKE BUKATA DAGA HALITTU "ASSAQALAINI" (MUTUM DA ALJAN)

abinda ya sa aka halicci mutum da aljan shine bautar allah shi kadai, allah madaukakin sarki yana cewa:" kuma ban halicci mutum da aljan ba sai domin su bauta min * bana nufin (samun) wani arziki daga gare su, bana nufin su (yi min hidimar) ciyar dani. * lallai allah shine mai azurtawa mai ikon yi mai cikakken qarfi⁽⁸²⁾ .

domin ba a halicci mutum da wasa ba, allah madaukin sarki yana cewa: " shin to kun yi zaton cewa mun halitta ku ne da wasa, kuma lallai ku zuwa gare mu bazaku komo ba? * allah mamallaki, gaskiya, ya 'daukaka, babu abin bautawa face shi, shine ubangijin al'arshi mai daraja⁽⁸³⁾ .

sai allah madaukakin sarki ya aiko manzanni zuwa mutane a zamaninnika daban-daban domin su bayyana musu kuma su shiryar da su zuwa hanya madaidaiciya wadda zata isar da su ga yardar allah, allah madaukakin sarki yana cewa: " mutane sun kasance al'umma guda. sai allah ya aiki annabawa suna masu bayar da bushara kuma masu garga'di; kuma ya sauqar da littafi da gaskiya tare dasu domin (littafin) yayi hukunci a tsakanin mutanen, acikin abunda suka sa'ba wa juna acikinsa; kuma babu wanda ya sa'ba acikinsa face wa'danda aka baiwa shi daga bayan hujjoji bayyanannu sun je musu, domin zalunci a tsakanin su, sai allah ya shiryar da wa'danda suka yi imani ga abunda suka sa'ba acikinsa daga gaskiya da izininsa. kuma allah yana shiryar da wanda yake so zuwa ga hanya madaidaiciya⁽⁸⁴⁾

har zuwa lokacin da aka rufe manzanci da manzancin manzon allah s.a.w wanda allah ya aiko shi ga mutane baki 'daya, allah madaukakin sarki yana cewa: " kuma bamu aika ka ba face zuwa ga mutane gaba 'daya, kana mai bushara kuma mai garga'di kuma amma mafi yawan mutane basu sani ba⁽⁸⁵⁾ .

aikin da saboda shi ne aka halicci dan adam abu ne a fili kuma mai iyaka shine bautar allah wanda ya halicce shi, duk wanda yayi rayuwarsa akan abinda aka halicce sa saboda shi to ya dace ko da kuwa ababen jin dadinsa na rayuwa bashi da yawa, haka nan duk wanda yayi rayuwarsa cikin abinda ba don shi aka halicce sa ba to da sannu zai ha'du da wulaqanci da cututtuka na zuciya da kuma qunci da kuma rashin dacewa a rayuwa dukansu zasu lazimceshi ko da ace ya samu ababen dadi da morewa a rayuwa, allah madaukakin sarki na cewa: " wanda yabi shiryarwa ta to baya 'bacewa kuma ba ya wahala * kuma wanda ya bijire daga ambato na (alqur'ani) to lallai ne rayuwa mai qunci ta tabbata agare shi kuma muna tayar da shi ranar alqiyama yana makaho^{, suratul 'daha aya ta 123-124.}

bari dai dukkanin halittu a wannan duniyar ba'a halicce su ba sai saboda wata mas'laha duk 'dayane mun san mas'lahar ko bamu santa ba, allah madaukakin sarki yana cewa: " kuma bamu halitta sama da qasa da abunda ke a tsakaninsu ba akan qarya, wannan shine zaton ⁽⁸⁶⁾ wa'danda suka kafirta, to bone ya tabbata ga wa'danda suka kafirta daga wuta⁽⁸⁷⁾.

ibada ga allah tana kasancewa ne dayin umarninsa da kuma nisantar abunda ya hana kuma babu makawa sai ya dace da abinda allah ya shar'anta, allah sarki yana cewa: "kuma lallai wannan ne tafarkina, yana madaidaici: sai kubi shi kuma kada kubi wasu hanyoyi su rarrabu da ku daga barin hanyata, wannan ne allah yayi muku wasiyya dashi, tsammaninku kuna yin taqaw^{. suratul 'daha aya ta 123-124.}

kuma shari'ar allah babu makawa ta kasance ta nesanta ga barin son rai na 'dan adam wa'danda suke fa'da akan allah abinda bai shar'anta ba duk daya ne da nufi aka yi hakan ko ba da nufi ba, allah madaukakin sarki na cewa: " kace: abun sani kawai ubangijina ya hana abubuwan alfasha abunda ya bayyana daga gare su da abunda ya 'boyu da zunubi da rarraba jama'a, bada wani hakki ba, kuma kada kuyi shirka da allah ga abunda bai sauqar da wani dalili ba gare shi, kuma kada ku fa'di abunda baku sani ba ga allah⁽⁸⁸⁾

KARSHE

duk abunda yake cikin wannan duniya na kyawun rayuwa karshensa shine mutuwa wadda babu wata hanyar guje ma ta, allah madaukakin sarki yana cewa: dukkan wanda ke kanta mai qarewa ne * kuma abun yardar ubangiji, mai girma jalala da karamci shine yake wanzuwa⁽⁸⁹⁾.

- duk yadda mutum ya kai ga yin 'ko'kari na guje ma wannan hakika (mutuwa) to babu wata mafaka a garesa (wani abu da yayi kariya da shi) allah madaukakin sarki yana cewa: kace, lallai mutuwar nan da kuke gudu daga gareta to lallai ita mai ha'duwa daku ce sannan kuma ana mayar daku zuwa ga masanin fake da bayyane, domin ya baku labari ga abunda kuka kasance kuna aikatawa⁽⁹⁰⁾.

- duk yadda mutum yayi aiki da kokari na daga sababai to ba za'a gabatar da mutuwarsa ba kafin lokacinsa haka nan kuma ba za'a jinkirta masa daga ajalinsa ba. allah madaukakin sarki na cewa: " sannan idan ajalinsu yaje baza'a yi musu jinqiri ba, sa'a guda, kuma baza su gaba ce shi ba⁽⁹¹⁾ allah yana fa'da yana mai qure 'dan adam da aljan wanda ya kasance daga cikinsu a cikin shakka da 'ko'konto cikin samuwar allah mahaliccin su kuma wanda ya samar da su: " to don me idan rai ya kai ga maqoshi? (kusa da mutuwa) * alhali kuwa ku alokacin nan kuna kallo * kuma mune mafi kusanci gare shi daga gare ku to amma ku baku gani * to don me in dai kun kasance ba wa'danda za'ayiwa sakamako ba? * ku mayar dashi (cikin jikinsa) har idan kun kasance masu gaskiya⁽⁹²⁾ .

a yayin da mutuwa ta zo kuma aka ganta quru-quru kowa zaka ga ya bada gaskiya kuma yayi imani sai dai kuma babu damar komawa duniya kuma babu damar yin aiki, allah madaukakin sarki yana cewa: " har idan mutuwa tajewa 'dayansu sai yace ya ubangijina ku mayar dani (duniya) * tsammanina in aikata aiki na qwarai cikin abunda na bari, kayya ! lallai ita kalma ce, shine mafa'dinta alhali kuwa baya gare su akwai wani shamaki har ranar da za'a tayar dasu⁽⁹³⁾- lokacin mutuwa da kuma gurin da za'a mutu ashe na daga cikin abinda allah ya barma saninsa garesa shi ka'dai, allah yana cewa: " lallai allah awurinsa kawai sanin sa'a yake, kuma yana sauqar da girgije kuma yana sanin abunda yake acikin mahaifa kuma wani rai bai san abunda yake aikatawa a gobe ba kuma wani rai bai san awace qasa yake mutuwa ba, lallai allah masani ne mai qididdigewa (mai bada labari)⁽⁹⁴⁾ .

- mutuwa iri biyu ce qarama da babba, babbar mutuwa ita ce fitar rai daga jiki ba tare da dawowarsa ba, amma qaramar mutuwa ita ce bacci shine fitar shi tare da dawowarsa da umarnin allah a karo na biyu, allah yana cewa " allah ne yake kar'ban rayuwaka alokacin mutuwarsu, da wa'annan da basu mutu ba, acikin barcinsu, sannan ya riqe wanda ya hukunta mutuwa akansa kuma ya saki gudar har zuwa ga ajali ambatacce, lallai acikin wancan haqiqa akwai ayoyi ga mutane wa'danda ke yin tunani⁽⁹⁵ .⁾

MENE NE SAKAMAKO BAYAN MUTUWA:

sakamako bayan mutuwa shine tashi, allah yana cewa: " wancan ne domin lallai allah shine gaskiya kuma lallai ne shi yake rayar da matattu kuma lallai shi mai iko ne akan komai * kuma lallai lokacin tashin alqiyama mai zuwa ne babu qoqonto acikinta kuma lallai allah yana tayar da wa'danda suke acikin kaburbura⁽⁹⁶⁾ .

kuma haqiqa kafirai a kowane zamani sun kasance suna qaryata tashi bayan mutuwa, saboda haka qaryata tashi bayan mutuwa ba wani sabon abu bane, allah yana cewa: " wa'anda suka kafirta sun riya cewa baza'a tayar dasu ba, kace, ni ina rantsuwa da ubangijina lallai za a tayar daku haqiqatan sannan kuma lallai ana baku labari game da abunda kuka aikata kuma wannan ga allah mai sauqi ne⁽⁹⁷⁾ .

kuma su na kai kawo wajen 'batar da mutane da kuma sanya musu ru'dani ta hanyar kore tashin su bayan mutuwar su, allah yana fa'da yana mai hakaitowa daga garesu... shin yana yi muku wa'adin (cewa) lallai ku idan kun mutu kuma kuka kasance tur'baya da qasusuwa, lallai ne ku wa'danda ake fitarwa ne * faufau faufau ga abunda ake yi muku wa'adi dashi * rayuwa bata zama face rayuwarmu ta duniya muna mutuwa kuma muna rayuwa kuma bamu zama wa'danda ake tayarwa ba⁽⁹⁸⁾.

suna zagin rayuwar su da mutuwarsu zuwa ga 'dabi'arsu alhali kuwa basu halicci misalinsa ba, allah ma'daukakin sarki yana cewa: " kuma suka ce, babu komai face rayuwarmu ta duniya muna mutuwa kuma muna rayuwa (da haihuwa) kuma babu abunda ke halaka mu face zamani, alhali kuwa (koda suke fa'dar maganar) basu da wani ilimi game da wannan, basa bin komai face zato⁽⁹⁹⁾.

bari dai wasu daga cikin su ma suna neman dalilai wadanda ba zasu yiwu ba saboda suyi imani, allah na cewa akan su: " lallai wa'dannan mutane haqiqa suna cewa* babu wani abu sai mutuwarmu ta farko, kuma bamu zama wa'danda ake tayarwa ba,* sai kuzo da ubanninmu idan kun kasance masu gaskiya⁽¹⁰⁰⁾.

allah ma'daukakin sarki ya mayar agare su da cewa: " kuma suka ce, shin idan mun kasance qasusuwa da niqaqqun ga'ba'buwa ashe lallai mu haqiqa wa'danda ake tayarwa ne awata halitta sabuwa? * kace, ku kasance duwatsu ko kuwa baqin qarfe * ko kuwa wata halitta daga abunda yake da girma cikin qirazanku, to zasu ce wanene zai mayar damu? kace wanda ya qaga halittarku a farkon lokaci, to zasu gya'da kansu zuwa gare ka kuma suna cewa a yaushe ne shi? kace akwai tsammaninsa ya kasance kusa * a ranar da yake ⁽¹⁰¹⁾ qiranku sannan ku rinqa kar'bawa game da gode masa kuma kuna zaton baku zauna ba face ka'dan⁽¹⁰²⁾.

kuma suna qaryata ranar alqiyama da aukuwarsa, allah ma'daukakin sarki yana cewa: kuma wa'danda suka kafirta suka ce sa'a bazata zo mana ba kace, kayya! na rantse da ubangijina lallai zata zo muku masanin gaibi gorgodon zarra bata nisanta daga gare shi acikin sammai kuma bata nisanta acikin qasa kuma babu mafi qaranci daga wancan kuma babu mafi girma face yana cikin littafi bayyananne. * domin ya sakawa wa'danda suka yi imani kuma suka aikata ayyukan qwarai, wa'dancan suna da wata gafara da wani arziki mai karamci. * kuma wa'danda suka yi makirci ga ayoyinmu suna masu gajiyarwa wa'dannan suna da wata azaba daga azaba mai ra'da'di⁽¹⁰³⁾.

acikin wannan ranar ne allah zai tashi halittu baki 'dayan su, allah yana cewa: " halittarku bata zama ba, kuma tayar daku bai zama ba face kamar numfashi guda lallai allah mai jine mai gani⁽¹⁰⁴⁾ .

allah zai tara su ranar sakamako, allah ma'daukakin sarki yana cewa: " kace, lallai mutanen farko da na qarshe * tabbas wa'danda ake tarawa ne acikin wani yini sananne⁽¹⁰⁵⁾.

wani mutum ba zai yi jin'kiri ba ko kuma yaqi zuwa tun farkon halitta zuwa qarshen halitta, allah ma'daukakin sarki yana cewa: " kuma haqiqa mun san masu gabata daga cikinku kuma mun san masu jinqiri⁽¹⁰⁶⁾ .

allah zai yi wa halittu hisabi a wannan rana matum 'dinsu da aljanin su kowa da gwargwadon aikinsa, allah ma'daukakin sarki na cewa: " a ranar da ko wane rai yake samun abunda ya aikata daga alkhairi a halarce da kuma abunda ya aikata daga sharti alhali yana gurin, da dai lallai ace akwai fage mai nisa a tsakaninsa da abunda ya aikata na sharrin! kuma allah yana tsoratar daku kansa kuma allah mai tausayi ne ga bayinsa.

kuma allah ma'daukakin sarki yake cewa: " ranar da allah zai tayar da su gaba 'daya, sannan ya basu labari game da abunda suka aikata allah ya lissafa shi alhali kuwa su sun manta dashi kuma akan komai allah halartacce ne⁽¹⁰⁷⁾.

acikin wannan rana mai girma da kuma ru'dani mutum zaiyi bara'a da wanda ya fi kusanci da shi kuma wanda ya fi soyuwa garesa, allah yana cewa: " to idan mai tsawa (busa ta biyu) tazo * ranar da mutum yake gudu daga 'dan uwansa * da uwarsa da ubansa * da matarsa da 'diyansa * ga kowane mutum daga cikinsu a ranar nan akwai wani sha'ani da ya ishe shi⁽¹⁰⁸⁾.

bari dai mujrimi (mai laifi) yayin da ya ga azaba da idonsa zai ji ina ma ya fanshi kansa da mafi kusancin mutane garesa kuma mafi soyuwa garesa, allah yana cewa: " mai laifi na burin da zai iya yin fansa daga azabar ranar nan da 'diyansa * da matarsa da 'dan uwansa * da danginsa masu tattara shi * da wanda ke acikin duniya duka gaba 'daya sannsn fansar ta tsirar dashi⁽¹⁰⁹⁾ .

al'amari a wannan ranar warware sa za'a yi babu dama domin yin ciniki, allah yana cewa: " lallai ne wa'danda suka kafirta lallai da suna da abunda ke acikin qasa gaba 'daya da misalinsa tare da shi, domin suyi fansa dashi daga azabar ranar qiyama, ba a kar'barsa daga gare su, kuma suna da azaba mai ra'd'a'di⁽¹¹⁰⁾.

domin abunda ka'dai za'a kar'ba a wannan rana shine kyawawan ayyuka, allah ma'daukakin sarki yana cewa: " kuma dukiyarku bata zamo ba haka 'diyanku basu zamo ba abunda yake kusantar daku ba a wurinmu, kusantarwar muqami, face wanda yayi imani kuma kuma ya aikata aikin qwarai, to wa'dannan suna da sakamakon ninkawa saboda abunda suka aikata, kuma su amintattu ne acikin benaye⁽¹¹¹⁾ .

a wannan matsaya mai bi a sannu: " imanin rai wanda bai kasance yayi imanin ba a gabanni, ko kuwa yayi tsammanin wani alkhairi baya amfaninsa." suratul an'am."

yadda dukkanin kyawu na jiki wadda mutum yake neman taimako da ita a rayuwarsa, allah yana cewa kuma lallai haqiqa kun zo mana 'dai 'dai kamar yadda muka halitta ku a farkon lokaci kuma kun bar abunda muka mallaka muku a bayan bayanku⁽¹¹²⁾ .

abunda ya aikata a rayuwarsa ta duniya mai kyau ne ko mara kyau shine zai wanzu garesa, allah yana cewa: " to wanda ya aikata (wani aiki) gwargodon qwayar zarra na alkhairi zai ganshi. * kuma wanda ya aikata gwargodon qwayar zarra na sharri zai ganshi ⁾suratul zalzala aya ta 7-8

MENE NE SAKAMAKO BAYAN TASHI:

sakamakon mutum bayan an tashe sa ko dai ya tafi aljannah ko wuta ba za su qare ba kuma wa'danda suka shige su ba zasu qare ba, tsayuwar ranar lahira adalci za'ayi ba wanda zai zalunci mutane, allah yana cewa: kuma muna aza ma'aunan adalci ga ranar qiyama, saboda haka ba a zaluntar rai da kome, kuma ko da ya kasance nauyin qwaya daga komayya na munzo da ita, kuma mun isa zama masu hisabi." suratul anbiya' aya ta 47.

za'ayi wa ko wace alumma hisabi akan abinda allah ya shar'anta ma ta ta hanyar manzon su, allah yana cewa: " a ranar da muke qiran kowane mutane da limaminsu to wanda aka baiwa littafinsa a damansa to wa'dannan suna karatun littafinsu kuma ba a zaluntar su da zaren bakin gurtsin dabino. * kuma wanda ya kasance makaho acikin wannan saboda haka shi a lahira makaho ne kuma mafi 'bata ga hanya⁽¹¹³⁾ .

musulmai kuma muminai wa'danda suka gaskata manzanninsu kuma suka cika lokutansu da biyyaya ga allah ta hanyar bin umarninsa da kuma nisantar haninsa to zasu shiga aljanna ma'abociyar ni'ima madaidaiciya da kuma dacewa ta har abada da kuma rayuwar da bata da qarshe kamar yadda aka bada labarin hakan ubangiji ma'daukakin sarki yake cewa: " lallai masu taqawa (tsoron allah) suna cikin matsayi amintacce * acikin gidajen aljannah da maremari * suna tufanta daga tufafin alhariri da mai kauri suna masu zaman fuskantar juna. * kamar haka, kuma mun aurar dasu da mata masu kyawun idanu masu girmansu. * suna qira acikinsu (gidajen) ga dukkan 'ya'yan itacen marmari suna amintattu (daga dukkan abun tsoro).* basa 'dan'danar mutuwa acikinsu face mutuwar farko kuma (allah) ya tsare musu azabar jahim. * saboda falala daga ubangijinka, wancan shine babban rabo mai girma⁽¹¹⁴⁾ manzon allah (saw) yake cewa: "game da ni'imar 'yan aljanna"allah maigirma da buwaya yace: "nayi tattali ga bayina nakirki acikin aljanna, abunda ba idaniyar da ta ganshi kuma ba kunnen da ya ta'ba ganinsa, kuma bai ta'ba natsuwa ga zuciyar wani 'dan adam ba, abunda ke gaskata haka acikin littafin allah madaukaki "bawata rayuwa da take sanin abunda aka 'boye domin amfaninsu na natsuwar idanu (a aljannah) sakamako dangane da abunda suka kasance suna aikatawa (na alkhairi aduniya⁽¹¹⁵⁾

manzon allah (saw) yace: "farkon jama'ar da zasu shiga aljannah akan surar wata daren sha hudu (haskensu kenan) sannan wa'danda kebiyarsu akan surar tauraruwa mai tsananin haske acikin sama basayin fitsari, basayin kashi, basa tofar da yawu,kuma basa fitadda majina mashatayensu na zinarine, zufansu almiskine, turarensu na wuta (na kara) maiqamshine, matansu hurun een ne (masu tsananin farin ido dakuma girmansu) halayensu kamar halin namiji 'dayane acikin dacewa dakuma soyayya (ba matsala a tsakaninsu) akan surar ubansu (annabi adam) zira'i sittin⁽¹¹⁶⁾ .

daga jabir yace: naji annabi (saw) yana cew: " lallai ma'abota aljannah suna ci suna sha acikin aljannah, alhali babu yin wani bayan gari ko kaki ko bawali, cin abincin shine idan sun buqaci hakan sai suji sunyi gyatsa, sai 'dan wani gumi ya tsattsafo musu mai qamshin almiski, tasbihi da kabbara su suke shiga da fita a tsakanin su (wato yake kaiwa ya komo) kamar yadda rayuwarsu (ta duniya) numfashi yake kaiwa ya komo⁽¹¹⁷⁾.

an karbo daga zaid b arqam yace: wani mutum yazo gun annabi daga cikin yahudawa si yace ya kai baban qasim, shin ba kaha zaton cewa mutanan aljannah zasu ci kuma su sha daga abinda ke cikinta ba, sai annabi yace, ya rantse da wanda ranshi ke hannunshi lallai zaa ba wa dayansu karfin mazaje dari ta bangaren abinci da kuma abinsha, da shaawa da jimai, sai bayahuden yace ma annabi to ai duk wanda yaci abinci ko abinsha yana da bukatar shiga bayi, sai annabi yace, abinda zasu dinga fitarwa wata zufa ce kawai mai kama da almiski shikenan sai cikin ya zama na babu komai acikinshi.⁽¹¹⁸⁾

Abu hurairah Allah ya kara yarda agareshi yace manzan Allah yana cewa: wani mai kira zaiyi kira yace, lallai a gareku zaku zama masu lafiya bazaku taba ciwo ba har abada, kuma lallai zakuyita rayuwa bazaku mutu ba har abada, kuma lallai zaku wanzu kuna samari bazaku taba tsufa ba har abada, kuma lallai zaku kasance cikin niima bazaku taba yanke tsammani ba har abada, shine fadin Allah: sai a kirasu ace wannan ce aljannar da aka gadar muku sakamakon abinda kuke aikatawa⁽¹¹⁹⁾.

Lallai ni nasan mutum na karshe da zai fito daga wuta, sannan kuma nasan mmutum na karshe da zai shiga aljannah, shine wanda zai fito daga wuta da rarrafe, sai Allah yace mai yaje ya shiga aljannah, yana zuwa sai a nuna mai ita Kaman ta cika, saiya dawo yace ya ubangijina lallai na sameta acike, sai Allah ya sake cemai kaje ka shiga aljannah, idan yaje saiya sameta a cike, sai ya sake dawowa y ace ya ubangiji lallai na sameta a cike, sai yacemai kaje ka shiga aljannah kuma kana da gwargwadonta Kaman sau goma, ko kuma kana da irinta guda goma Kaman girman duniya, sai yace ya ubangiji kana mun izgilanci ne ko kuma kana mun dariyane alhali kaine sarki, sai abdullahi bn abbas yace: lallai hakika naga annabi yayi dariya har saia tiramen hakoranshi suka bayyanah, sahihu muslim 6202.

amma kafirai jahidina masu qaryata manzanci (saqo) alhali yaje musu suna shiga cikin wuta, fa'din allah ma'daukakin sarki yana cewa: kuma wa'danda suka kafirta suna da wutar jahannama, ba'ayin hukunci akansu balle su mutu kuma ba a sauqaqa musu daga azabarta, kamar haka muke sakawa ko wane mai yawan kafirci. * kuma su suna hargowar neman agaji acikinta. (suna cewa) ya ubangijinmu! ka fitar damu, mu aikata aiki mai kyau wanin wanda muka kasance muna aikatawa, ashe kuma bamu rayar da ku ba, abunda mai tunani zai iyayin tunani aciki, kuma mai garga'di yaje muku? to ku 'dan'dana, saboda haka babu wani mataimaki ga azzalumai." suratul fa'dir aya ta 36-37.

manzon allah (saw) ya bayyana mafi qarancin azaba acikin 'yan wuta saiyace: "mafi sauqin azaba acikin 'yan wuta abu dalib, kuma shi za'ayi masa takalma, takalmi guda biyu (na wuta) kwanyarsa na tafasa dasu " muslim ne ya ruwato.

Kuma abinda zai karama yan aljannah niima sannan ya karama yan wuta bakin ciki da kunci akan kuncinsu shine abinda annabi ya bada labara cewa zaazo da mutuwa Kaman siffar rago, sai wani mai kira yayi kira sai yace musu yaku yan aljannah shin kunsan ko wannan meye sai suce mutuwa ce,kuma kowa cikinsu zai ganta, sannan mai kira zaiyi kira ga yan wuta, sannan yace menene wannan shin kun sanshi sai suce mutuwa ce, kuma kowa cikinsu zai ganta, sai ya yankata sannan yace ma yan aljannah ku dawwama acikinta babu mutuwa, kuma yan wuta ku dawwama acikinta babu mutuwa, ka gargadesu ranan asara bayan an gama hisabi alhali su kuma sun rafkana, alhali kuma sub a masu imani bane. Sahihul bukhari 4453.

Sannan kuma annabi yace: babu wani mumini da zai shiga aljannah face sai an nuna mai makwancinshi acikin wuta da ya saba ma Allah, sannan babu wani dan wutan da zai shiga wuta face sai an nuna mai makwancinshi acikin aljannah da ace ya bautama Allah, sahihul bukhari 6200.

DALILAN TASHI BAYAN MUTUWA A CIKIN ALQUR'ANI:

alqur'ani ya kwa'daitar da mutum a cikin ayoyi da yawa daga cikinsa akan yin tinani akan asalinsa, wanda ya samar da shi kafin ya kasance wani abu mai iko ne akan dawo da shi bayan ya kasance, allah yana cewa: " kuma mutum yana cewa, shin idan na mutu lallai ne haqiqa da sannu za a fitar dani ina mai rai? * shin kuma mutum bazai tuna ba cewa lallai ne mun halittashi a gabanni, alhali kuwa bai kasance komai ba." suratul maryam aya ta 66-67.

● yin tunani akan raya qasa bayan mutuwarta ta hanyar fitar da tsirrai a cikin ta, allah yana cewa: " kuma akwai daga ayoyinsa cewa lallai kai kana ganin qasa qeqasashshiya, to idan mun sauqar da ruwa akanta sai ta girgiza kuma ta kumbura, lallai wannan da ya raya ta haqiqa mai rayar da matattu ne, lallai shi mai ikon yine akan dukkan komai." suratul fussilat aya ta 39.

● tunani acikin halittar sammai da qassai wanda sun fi halittar mutum girma, allah yana cewa: shin kuma basu gani ba cewa lallai allah wanda ya halitta sammai da qasa, kuma bai kasa ga halittarsu ba, mai ikon yi ne a kan rayar da matattu?, na'am lallai shi, mai ikon yi ne akan kome." suratul ahqaf aya ta 33.

● yin tunani a cikin baccin mutum da kuma farkawarsa wanda daidai yake da rayuwa bayan mutuwa, ana kiran wannan da qaramar mutuwa, allah yana cewa: " allah ne ke kar'bar rayuka a lokacin mutuwarsu, da wa'dannsn da basu mutu ba acikin barcinsu, sannan ya riqe wanda ya hukunta mutuwa akansa, kuma ya saki gudar, har zuwa ga ajali smbatacce, lallai acikin wancan, haqiqa akwai ga mutane wa'danda suke yin tunani." suratul zumar aya ta 44.

kuma wannan aas 'dan wa'il yazo wajen manzon allah (saw) sai yace: ya muhammadu shin allah zai tashi wannan bayan ya rididdige? sai yace: eh allah zai tashi wannan, zai kashe ka kuma ya tashe ka sannan ya shigar da kai wutar jahannama, sai aka saukar da ayoyi: " ashe, kuma mutum bai ga (cewa) lallai mu, mun halitta shi daga maniyyi ba, sai gashi mai yawan husuma, mai bayyanawar husuma. * kuma ya buga mana wani misali kuma ya manta da halittarsa, yace, wane ne ke rayar da qasusuwa alhali kuwa suna rududdugaggu? * kace, wanda ya qaga halittarsu tun farkon lokaci shike rayar dasu kuma shi game da kowace halitta mai ilimi ne. * wanda ya sanya muku wuta daga itace kore, sai gaku kuna kunnawa daga gare shi. * shin, kuma wanda ya halitta sammai da qasa bai zama mai ikon yi ba da ya halitta kwatankwacinsu? eh, zai iya! kuma shi mai yawan halittawa ne mai ilimi. * umurninsa, idan yayi nufin wani abu sai yace " ka kasance " sai yana kasancewa (kamar yadda yake nufi) * saboda haka, tsarki ya tabbata ga wanda mallakar ko wane abu take ga hannayensa, kuma zuwa gare shi ake mayar daku." suratul yasin aya ta 77,78,79,80,81.82-83. hakeem ne ya ruwaito kuma zahabi ya inganta shi.

TA YAYA MUTUM ZAI TSIRA

ta yaya yake dacewa: idan kana so ka san mene ne addini karbabe a wannan rana wanda zai isar da kai bayan rahamar allah zuwa dacewa ta haqiqa ta har abada kuma ya nisantar da kai da falalar allah daga rayuwar rashin dacewa da kuma wulaqanci na har abada to ka san cewa shine addinin musulunci wanda aka saukar ga annabi (saw).