3.5. Ktematonimlər Onomastik vahidlərin bir qrupunu da ktematonimlər təşkil edir. Ktematonimlər, “Dilimizdə maddi mədəniyyət abidələrinin, elm və texnika ilə, mənəvi mədəniyyətlə bağlı əsərlərin, xüsusi əşyaların, fəxri adların, inzibati idarə, təşkilat və sairənin adını bildirən onomastik vahidlər”dir [43, s.334]. Azərbaycan dilində tərkib hissəsi rəngarəng olan ktematonimlərin “xrematonim”, “xrononim”, “ideonim” və “erqonim” adlanan dörd növü göstərilir [41, s.421]. Ktematonimlərin bu növləri həmçinin ifadə etdikləri mənalara görə qruplara bölünmüşdür.
“Bürhani-qate” lüğətində toplanmış onomastik vahidlərin bir hissəsini də ktematonimlər təşkil edir. Lüğətdəki həmin sözləri Azərbaycan dilinin qrammatikasından çıxış edərək ktematonimlərin mövcud növləri və onlara məxsus bölgülər üzrə aşağıdakı kimi qruplaşdırmaq olar:
