| Tədqiqatın elmi yeniliyi. Dissertasiya işində farsdilli klassik lüğət nümunəsi olan “Bürhani-qate” ilk dəfə olaraq müasir dilçiliyin onomastika bölməsi üzrə tədqiqata cəlb olunmuşdur. Onomastik vahidlərin bütün qruplarını əhatə edən irihəcmli, sanballı lüğətin bu istiqamətdə təhlilə cəlb olunması, onun gələcəkdə dilçiliyin müxtəlif sahələri üzrə araşdırılması üçün müsbət zəmin yaradır.
Zəngin onomastik vahidləri ehtiva edən “Bürhani-qate”də xüsusi adlar onomalogiyanın yarımşöbələri əsasında araşdırılmış, yeri gəldikcə onlar haqqında mümkün qədər əhatəli izahlar verilmişdir. Həmçinin antroponimlərin müasir fars dilində işlənmə vəziyyəti təyin edilmiş, onların fars və Azərbaycan dillərində şəxs adları sistemindəki yeri müəyyənləşdirilmişdir.
Dostları ilə paylaş: |
