GÖSTƏRİR
(Qadın və qız adına ləkə gətirənin birinə)
Kök bədənə dar şalvarı geydirən,
Öz ağlının çəkisini göstərir.
Key başını şəfqət deyib keydirən,
Ünvanının səkisini göstərir.
Göbək açıq, diş görünür, bədən lüt,
Abır-həya qanan deyil bu cüllüt.
Heykəl görkəmiylə bu qaxınc, bu büt,
Bir yerinə ikisini göstərir.
Təpəsinə turp, badımcan əkibdi,
Qaşlarına dəmir yolu çəkibdi,
Gözlərini bir nöqtəyə tikibdi,
Cikisini, bikisini göstərir.
Utanıb,ar edib özünü danmır,
Etdiyi nöqsanı dərk edib anmır.
Məhərrəməm, birin seçib dayanmır,
Ləkələnmiş pis nəfsini göstərir.
Dostları ilə paylaş: |
