Məhərrəmin yeni şeirləri

KiÇİLMİR DOSTLAR, KİÇİLMİR

Badə çox vaxt kefə görə,

İçilmir, dostlar, içilmir.

Dərdimiz dönüb əzbərə,

Kiçilmir, dostlar, kiçilmir.

Vurun, düzəlsin başımız,

Vərəqlənsin yaddaşımız.

Düşmənimiz, sirdaşımız,

Seçilmir, dostlar, seçilmir.
Sinəmiz çarpaz dağlanıb,

Başlara qara bağlanıb.

Qarabağa yol bağlanıb,

Keçilmir,dostlar,keçilmir.

Kefdən doğubdu məhvimiz,

Tanrıdan olar əhvimiz.

Məhərrəməm, çox səhvimiz,

Ölçülmür,dostlar,ölçülmür.

QADASI

Gözüm, könlüm bu dünyada,

Toxdu, qadasın aldığım.

Sənin kimi yada salan,

Çoxdu, qadasın aldığım.
Haqq işi var vərdişimdə,

Nöqsan yoxdu gərdişimdə.

Tanınıram mərd işimdə,

Haxdı, qadasın aldığım.

Ay Məhərrəm, ucalt səsi,

Sinəndə ozan kəlməsi.

Səndə bircə yad nəfəsi,

Yoxdu,qadasın aldığım.