Sizə əmr edirəm ki, Qur`anın yaşatdığını yaşadıb, məhv və batil bildiyini məhv edəsiniz.
İKİNCİ HİSSƏ: Həzrət Mehdinin (əc.) intizarı haqqında İntizarın dəyər və mükafatı Həzrət Mehdinin (əc.) dostlarının xüsusiyyətləri 313 nəfər Zühur və qadınlar Qəhramanların həyata qayıtması və imam Mehdiyə (əc.) birləşməsi
Həzrət Mehdinin (əc.) intizarı haqqında
İntizar haqqında gedən bəhsdə intizarın dəyəri, mükafatı, mə`nası, şəraiti və s. kimi məsələlərə aydınlıq gətirəcəyik.
İntizarın dəyər və mükafatı
Həzrət Mehdinin (əc.) zühur intizarının dəyəri haqqında bu gün əlimizdə yüzlərlə hədis mövcuddur. Burada onla-rın bir neçəsini nümunə üçün qeyd edirik:
Allahın rəsulu həzrət Məhəmməd (s) buyurmuşdur:
“İbadətlərin ən yaxşısı, həzrət Mehdinin (əc.) zühuru-nun intizarıdır".
Bir şəxs həzrət Əlidən (ə) soruşdu:
“Allah yanında ən sevimli iş nədir?”
Həzrət onun cavabında buyurdu:
“Həzrət Mehdinin (əc.) zühurunun intizarı".
İmam Sadiq (ə) buyurmuşdur:
“Həzrət Mehdinin (əc.) imamətinə e`tiqad bəslə-məklə bərabər, onun intizarında olan halda vəfat edən şəxs, döyüş halında o həzrətin öz xeyməsində vəfat edən şəxs kimidir".
Həmçinin o həzrət buyurmuşdur:
“On ikinci imam həzrət Mehdinin (əc.) intizarında olan şəxs, Allah Rəsulunun hüzurunda qılınc çəkib, onun düşmənləri ilə döyüşən və o həzrəti müdafiə edən bir şəxs kimidir".
Dostları ilə paylaş: | 
