Qeybəti-süğra dövrü idi. İraq əhalisindən bir nəfər öz “imam malı”nı müqəddəs nahiyəyə göndərdi, ancaq qəbul olunmayıb geri qaytarıldı və ona çatdırıldı ki, gərək əmin oğlanlarının bu malın içərisində olan dörd yüz dirhəmini qaytarasan. Sonradan mə`lum oldu ki, həmin şəxs əmisi oğlanları ilə bir mülkdə şərik imiş və onların haqqını verməmişdir. Həmçinin, o da mə`lum oldu ki, əmisi oğlanlarının haqqı düz dörd yüz dirhəm imiş. O, malın həmin miqdarını ayırıb öz sahiblərinə çatdırandan sonra qalanını müqəddəs nahiyəyə göndərdi.
