Karkassız (divarlı) sistem yaşayış tikintisində üstünlük təşkil edəndir. Onun bütün konstruksiya elementlərinin hazırlanması və xüsusilə də quraşdırılması daha sadədir. Onu istənilən divar materialında – kərpiç, təbii daş, bloklar, panellər də tətbiq etmək mümkündür. Divar sistemində bütün yerləşgələrdə çıxıntısız hamar divarlar alınır, bu isə rahatlıq və gözəllik üçün böyük əhəmiyyətə malikdir.
Karkas sistemi binanın çəkisinin əhəmiyyətli dərəcədə yüngülləşməsi üçün şərait yaradır. Lakin belə sistemdə konstruksiyaların quraşdırılması əlavə zəhmət tələb edir. Buna görə də müasir şəraitdə karkasın tətbiqi yüksəkmərtəbəli binalarda (9-12 və daha artıq) və divar konstruksiyası üçün uyğun materialların olduğu halda mümkündür.
Qarışıq sistem (tam olmayan karkas) xarici divarların daxili karkasla uyğunlaşması ilə xarakterizə olunur.
