Təbii-iqlim şəraitinin təsiri.
Yaşayış binasında insan həyatı üçün ən rahat və sağlam şərait yaradılmalıdır. Bunun üçün tikinti yerinin iqlim xüsusiyyətləri diqqətlə nəzərə alınmalıdır.
İnsan sağlamlığı üçün yaşayış yerləşgələrinin insolyasiyası xüsusi əhəmiyyət kəsb edir. Mənzilin günəş şuaları ilə kifayət qədər və düzgün işıqlandırılması böyük dərəcədə onun keyfiyyətini müəyyənləşdirir. Yaşayış otaqlarının şimal rayonlarında günəş şuası ilə kifayət qədər işıqlanmaması və ya cənub rayonlarında günəş şualarının həddindən çox olması həyat üçün əlverişsiz şərait yaradır. Buna görə də binalar layihələndirilən zaman elə şərait yaratmaq lazımdır ki, hər mənzil lazımı qədər günəş işığı ala bilsin.
Bununla əlaqədar olaraq normalara görə birtərəfli mənzilləri üfüqdən şimala tərəf 315-30 hədlərində, qütb dairəsindən şimala doğru rayonlarda 315-45 hədlərində, cənub iqlim zonalarında üfüqün qərb hissəsinə 200-290 hədlərində səmtləndirməyə icazə verilmir.
Cəhətlərə münasibətinə görə binalar üç əsas vəziyyət ala bilər, bina özünün uzununa oxu ilə şimal-cənub istiqamətinə paralel olduğu halda meridional; bu ox qərb-şərq istiqamətinə paralel olduğu halda eninə; uzununa oxun əsas istiqamətlərlə bucaq altında münasibətdə olduğu diaqonal.
Dostları ilə paylaş: | 
