Metall buyumlarni termik sinfga kiruvchi usullarda payvandlash

7. Metall buyumlarni flyus qatlami ostida elektrod sim bilan elektr yoy yordamida yarim avtomatik payvandlash

86-rasmda shlangli yarim avtomatik payvandlash avtomatining sxemasi keltirilgan.

Bu avtomatda metallarni payvandlashda avvalo elektrod sim uchini payvandlash joyiga keltirilib kontaktlangach, flyusli varonka tag to‘sig‘i ochilib bu joyga flyus to‘kiladi. So‘ngra ishga tushirish tugmachasi bosilib yoy oldiriladida, elektrod sim bilan chok qo‘lda bostirila boshlanadi. Bunda kassetaga o‘ralgan elektrod sim sarflangan sari uni uzatish mexanizmi shlang orqali avtomatik ravishda uzatib turadi.

86-rasm. Shlangli yarim avtomatik payvandlash avtomatining sxemasi:

1 – elektrod simli kasseta; 2 – uzatish mexanizmi; 3 – shlang;

4 – flyus varonka; 5 – boshqarish pult shkafi; 6 – tok manbai; 7 – dasta.

Amalda metall buyumlarni yarim avtomatik payvandlashda qo‘llaniladigan shlangli avtomatlarning PSh-5, PSh-54 va boshqa markalari bor. Bu usulda metall buyumlarni payvandlashda qo’llaniladigan tegishli simlarning diametri 0,8-2 mm bo‘lib, payvandlash toki 100-500 A oralig‘ida bo‘ladi. Bu usuldan payvandlash avtomatlardan foydalanish mumkin bo‘lmaydigan joylarda (kalta, egri chiziqli va bostirilishi qiyin joylarda) foydalaniladi.