Metalllarning korroziyasi. Kimyoviy korroziya nima va uni qanday yo'q qilish kerak

Metallarga ishqorlarning ta’siri. Amfoter metallar ishqorlar bilan ta’sirlashadi. Masalan:
Zn + 2NaOH = Na₂ZnO₂ + H₂
yoki
Zn + NaOH + 2H₂O = Na[Zn(OH)₃] + H₂


Al + 2KOH + 2H₂O = 2KAlO₂ + 3H₂
yoki

2Al + 2KOH + 6H₂O = 2K[Al(OH)₄] + 3H₂
Metallarning oksidlari va gidroksidlari. Metallarning xossalarini aniqlashda, ko`pincha, ular oksidlarining va gidroksidlarining xossalari muhim ahamiyatga ega bo`ladi.
Agar metall o`zgarmas valentlikka ega bo`lsa, uning oksidi va gidroksidi asosli xossani namoyon qiladi. Berilliy, rux, alyuminiy bundan mustasno, chunki ularning oksidlari va gidroksidlari amfoterdir.
Agar metallning valentligi o`zgaruvchan bo`lsa, ularning kichik valentli oksidlari va gidroksidlari asosli xususiyatni namoyon qiladi. Valentligi ortib borishi bilan amfoter va keyin kislotali xossasi vujudga keladi. Bunga marganesning oksidlari va gidroksidlari misol bo`ladi: marganes(II)-oksid (MnO) va marganes(III)-oksid (Mn<sub>2</sub>O<sub>3</sub>) asosli xususiyatga ega; marganes(IV)-oksid (MnO<sub>2</sub>) esa amfoter xossaga egadir; manganat MnO<sub>3</sub> va permanganat Mn<sub>2</sub>O<sub>7</sub> angidridlar kislotali oksidlardir. Marganes oksidlariga muvofiq ravishda quyidagi asos va kislotalar to`g`ri keladi:
Mn(OH)₂, Mn(OH)₃, Mn(OH)₄, H₂MnO₃, H₂MnO₄, HMnO₄.

7-laboratoriya ishi
Metallarning xossalari
Asbob va reaktivlar: Probirkalar va ular uchun shtativ, spirt lampasi, pichoq (yoki linset), 50-100 ml sig`imli stakan, filtr qog`ozi. Natriy, magniy, rux, mis, temir va alyuminiy metallari. Fenolftalein indikatori eritmasi. H₂SO₄ va HCl larning 10% li eritmasi, konsentrlangan H₂SO₄ va HNO₃. NaOH ning 10% li va 30% li eritmalari. MgSO₄, ZnSO₄, CuSO₄, Al₂(SO₄)₃, FeSO₄ va FeCl₃ larning 1n eritmalari.