Metodikasi kafedrasi tangirova shaxnoza mavzu: furqat lirikasining yuqori sinflarda
Yüklə 0,68 Mb. Pdf görüntüsü
|
|
63 XULOSA ―Har qanday odamga uning qilgan ishlariga qarab baho berish kerak‖ (Servantes) 22 ekan , shu jihatdan, biz: ―Furqat - milliy ma‘naviyatimizning eng zabardast siymolaridan biri‖, – deb ayta olamiz . Uning serqirra ijodiy faoliyati millat yoshlarining barkamol shaxslar bo‗lib voyaga yetishida, shubhasiz, muhim ahamiyatga ega. Shu sababli ham uning ijodini o‗rganish, asarlarini targ‗ib qilish ta‘limda yaxshi samara beradi.Uning ijodini o‗rganish shoir haqida kengroq tasavvur hosil qilishga yordam beradi. Furqat ziddiyatli va tahlikali bir zamonda yashaganligiga qaramay, o‗zidan boy ma‘naviy meros qoldirdi. Uning asarlari nafaqat o‗zbek adabiyotida, balki chet mamalakatlarda ham sevib o‗rganiladi. Davlat ta‘lim standartlarida adabiyot ta‘limining maqsad va vazifalari sifatida quyidagilar ko‗rsatiladi: Umumiy o‗rta ta‘lim maktablaridagi adabiy ta‘lim asosan sof ilmiy maqsadlarni emas, balki ma‘naviy-axloqiy yo‗nalishlar ustuvorligini ko‗zda tutadi. Ular orasida eng muhimlari quyidagilar: - o‗quvchilarning yosh xususiyatlarini e‘tiborga olgan holda, milliy va jahon adabiyotining eng munosib namunalari bilan tanishtirish asosida ularning qalbida vatanparvarlik, ezgulik, insonparvarlik singari yuksak insoniy fazilatlarga nisbatan rag‗bat, mehr va muhabbat uyg‗otish; - ularni fuqarolik va vatanparvarlik ruhida, adabiyotga, milliy, madaniy- ma‘rifiy qadriyatlarga nisbatan hurmat ruhida tarbiyalash; - ularning boy ma‘naviy dunyosini shakllantirish; - badiiy asar va uning poetik xususiyatlarini o‗rganish asosida o‗quvchida tanqidiy fikrlashga oid ko‗nikma va malakalarni hosil qilish; - ulardagi mustaqil fikrlash, ijodkorlik qobiliyatlarining shakllanishi va rivoji uchun imkoniyat yaratish;
22 Каримов И.А.Баркамол авлод орзуси. – Т.: Узбекистон миллий энциклопедияси, 1999-йил, 187-бет.
64 - ularda har qanday ma‘naviy xurujlarga nisbatan sog‗lom va baquvvat e‘tiqodga tayanadigan immunitetni shakllantirish; - so‗z san‘ati vositasida o‗quvchining individual va shaxslik fazilatlarini rivojlantirish. Bu maqsadlarga Furqat ijodini o‗rganish orqali erishish mumkin. Shoir hayoti va faoliyati haqidagi lavhalar umumta‘lim maktablarining 9-sinf adabiyot darsligiga va akademik litseyning 2-bosqich o‗quvchilari uchun mo‗ljallangan darslikka kiritilgan. Boshqa yozuvchi va shoirlar kabi Furqat ijodiga oid vaqt ham chegaralanganligi bois darslikka shoir hayotining eng muhim jihatlari kiritilgan, xolos. Shu bois o‗qituvchi boshqa manbalardan foydalanib, ko‗proq ma‘lumot berishi, zamonoshlarining va adabiyotshunoslarning shoir haqida bildirgan iliq fikrlaridan o‗qib berishi lozim. Adabiyotimizning tarixiy taraqqiyotida Furqat ijodi alohida bosqichni tashkil qiladi, desak, mubolag‗a bo‗lmaydi. Uning xalqni uyg‗onishga, ilm-u marifatni o‗rganishga va ozodlikka erishishga chorlab yozgan turli maqolalari, nasriy va lirik asarlari diqqatga sazovor. Shoirning masnaviy yo‗lida yozilgan ―Gimnaziya‖, ―Ilm xosiyati‖, ―Akt majlisi xususida‖ kabi she‘rlari, ―Qavoidi Chin va umuroti siyosiy‖ nasriy asari, afg‗onlrning ingliz mustamlakachilariga qarshi kurashi tasvirangan maqolalari ana shunday asarlar sirasiga kiradi. Darsliklarda yuqorida nomlari keltirilgan she‘rlarning yozilish sababi keltirlgan-u ular haqida ma‘lumot berilmaydi. Agar o‗qituvchi bu asarlar to‗g‗risida qisqacha bo‗lsa-da fikr bildirib, tushuncha berib o‗tsa maqsadga muvofiq bo‗ladi. Shoir hayoti va ijodi yuzasidan 9-sinf adabiyot darsligida keltirilgan savol va topshiriqlar ham diqqatga sazovor. Mualliflar o‗quvchilarni izlanishga, mantiqiy fikr yuritishga chorlaydigan savollarni savol-topshiriqlarni tuzishga harakat qilaganlar va bunga erishganlar. Bu jihatdan, Furqatning she‘rlari yuzasidan tuzilgan savollar o‗z vazifasini to‗laqonli bajara oladi.
65 Furqat adabiyotning bir qancha turida ijod qilgan bo‗lsa-da, biz uni shoir deb bilamiz, she‘rlarini sevib o‗qiymiz. Furqat she‘riyatning g‗azal, muxammas, musaddas kabi janrlarida qalam tebratgan. Uning lirikasini turli mavzudagi she‘rlar tashkil qiladi. 9-sinf adabiyot darsligiga ikkita g‗azali va bir musaddasi kiritilgan bo‗lib, ularni o‗rganishga ikki soat ajratilgan. Bu she‘rlardan ―Fasli navbahor o‗ldi ketibon zimistonlar‖ misrasi bilan boshlanuvchi g‗azali, ―Sayding qo‗yaver sayyod, sayyora ekan mendek‖ misrasi bilan boshlanuvchi musaddasi ijtimoiy mavzuda yozilgan. G‗azal bir qarashda bahor tasviriga bag‗ishlangandek tuyulsa- da, undagi ba‘zi misralar she‘rning ijtimoiy mavzuda ekanligini tasdiqlaydi (biz buni birinchi bobning uchinchi qismida bayon etgan edik). Bu she‘rlarni o‗qitishda texnik vositalardan foydalanib, darsga musiqiy variantini (qo‗shig‗ini) olib kelib eshittirsa maqsadga muvofiq bo‗ladi. Furqat lirik shoir sifatida takrorlanmas badiiy tasvirlardan foydalanadi. Jumladan, u ―Surmadin ko‗zlar qaro, qo‗llar hinodin lolarang‖ misrasi bilan boshlanuvchi g‗azalida o‗zbek kelinchagini shunday ustamonlik bilan tasvirlaydiki, bevosita kelinchakning tashqi ko‗rinishi ko‗z oldingizda namoyon bo‗ladi. Shu payt rassom bo‗lsam-u uning tasvirini qog‗ozga tushirsam, deb o‗ylab qolasiz. Xullas, badiiy adabiyot qaysi janr va mavzularda yozilmasin, undan kutilgan asosiy maqsad insonni tarbiyalashdir. Shu jihatdan qaraganda, Zokirjon Xolmuhammad o‗g‗li Furqatning ham har bir asari o‗ziga xos axloqiy-ta‘limiy, ma‘naviy ma‘rifiy ahamiyatga ega. Bu asarlarning umumiy ruhi insonni komillik ruhida tarbiyalashga qaratilgan.
Yüklə 0,68 Mb. Dostları ilə paylaş:
|