Outline (Структура, Struktur). Əmr qeyd olunmuş sətr və ya sütunları qruplaşdırır, düstur və yönəldici istinadlar əsasında avtomatik sənədin strukturuınu yaradır.
REVIEW (Рецензирование, İcmal) tabı
Spelling (Орфография, Orfoqrafiya). Əmr mətn tipli informasiyanın orfoqrafik və qrammatik yazılışını yoxlayır. Əgər səhv varsa, bu zaman Orfoqrafiyanın yoxlanılması (Проверка Орфографии) dialoq pəncərəsi açılır və bu dialoq pəncərəsində variantlar bölümündə səhv hesab olunan sözün düzgün variantları əks olunur. Bu variantlardan birini seçib Əvəz etmə (Заменить) düyməsini sıxmaqla səhv sözü həmin sözlə əvəz etmək olar. Bəzi hallarda (termin, şəxsi ad, coğrafi adlar və s.) sözün düzgün yazılmasına baxmayaraq, kompüter onu səhv kimi qəbul edə bilər. Bu halda Buraxmaq (Пропустить), düyməsini sıxmaq kifayətdir. Əlavə etmək (Добавить) düyməsini sıxmaqla isə kompüterin lüğət bazasını “səhv qəbul etdiyi” sözlə zənginləşdirmək olar.
Research (Исследование, Araşdır)-əmrinin köməyi ilə lazim olan informasiyaları proqramdan çıxmadan kompyüterdə və internetdə axtarıb tapmaq və cari sənəddə yerləşdirmək olar
Thesaurus (Тезаурус, Tezaurus) - əmri ilə seçilmiş sözlərin sinonimini yəni naməlum sözlərin sinonim və ya mənaca yaxın sözlərlə əvəz olunmasını həyata keçirmək, tərcümə etmək və s. mümkündür.
Translate (Перевод, Tərcümə et) - əmrı On-Line rejimində sözü, cümləni, seçilmiş fraqmenti, bütöv sənədi digər dillərə tərcümə etmək üçün istifadə olunur. Pəncərənin sağ kənarında açılmış lövhədə tərcümə əməliyyatını yerinə yetitmək olar.
