N isbi ünvanlara misal: A1, J4, BD12 və s.
Mütləq ünvanlara misal: $B$2, $J$4, $BD$4 və s.
Qarışıq ünvanlara misal: D$1, $A4, $T12 və s.
Excel-də bildiyimiz kimi, ən azından bir cari xana seçilmiş olur ki, bu da aktiv xana adlanır. Aktiv xana düzbucaq formasında qara xətlə əhatə olunur. Diapazon dedikdə (:)-yazılan və düzbucaqlı həndəsi fiqurla əks olunan xanalar qrupu başa düşülür. Məsələn: (A1:A4) diapazonunda-A1, A2, A3, A4, (B2:D4)-diapazonunda isə B2, B3, B4, C2, C3, C4, D2, D3, D4 xanaları yerləşir. Diapazonun seçilməsi üçün göstəricisini “sıçanın” sol düyməsini sıxıb saxlayaraq lazım olan hissəyə qədər çəkmək lazımdır. Diapazonun seçilməsinin başqa üsulu klaviaturadan Shift- düyməsini sıxıb saxlayaraq diapazonun 1-ci və sonuncu xanaları üzərində “sıçanın” sol düyməsini sıxmaq lazımdır. Qonşu olmayan xanaları, sətir və sütunları seçmək üçün isə Ctrl düyməsini sıxıb seçiləcək xanaların üzərində “siçanın” sol düyməsini sıxmaq lazımdır. İşçi vərəqdəki bütün xanaları seçmək üçün A sütunundan soldakı, 1-ci sətrin üstündəki boş düyməni sıxmaq lazımdır. Bu halda bütün vərəq seçilir. Yalnız bir sütunu və ya bir sətri seçmək üçün “sıçanın” göstəricisini onların başlığı üzərinə gətirib sol düyməni sıxmaq lazımdır.
Dostları ilə paylaş: |
