Rasm. Moddiy zaxiralarning asosiy turlari O ‘tuvchi zaxiralarga hisob davrining oxiridagi moddiy vositalar resurslarining qoldiqlari kiradi. Zaxiralarning ushbu turi hisob davridan keyingi davrdagi yetkazishgacha bo‘lgan vaqt ichida uzluksizlikni ta'minlash uchun xizmat qiladi. Tayyorgarlikli zaxiralar - bu ishlab chiqarish jarayonida ishlatishdan oldin qo‘shimcha
tayyorgarlikni talab qiluvchi ishlab chiqarish zaxiralarining bir qismidir.
Nolikvid zaxiralar - bu uzoq vaqt davomida ishlatilmaydigan ishlab chiqarish yoki
tovar zaxiralaridir. Ular, saqlash jarayonida tovarlar sifatining yomonlashishi, ma'naviy
eskirishi munosabati bilan paydo bo‘ladilar. Shuningdek bu zaxiralarga, endilikda ishlab
chiqarilmaydigan mahsulot uchun mo‘ljallangan zaxiralar ham kiradi.
Yo‘ldagi zaxiralar - bu hisob vaqtida tashilayotgan, ya'ni yo‘lda bo‘lgan zaxiralardir.
Zaxiralarni yo‘ldagi vaqti deganda, transportga ortilganidan to manzilgacha yetib kelishi
uchun sarflangan vaqt tushuniladi. Bu ko‘rsatkich shartnomada kelishilgan, hamda turli
transportlar uchun mavjud me'yorlar bo‘yicha belgilanadi.
7.4. Zaxira o‘lchamini aniqlash 1. Buyurtma qilinadigan partiyaning optimal o‘lchamini aniqlash.
Zaxiralarni to‘ldirish tizimi tanlangandan so‘ng, buyurtma kattaligini va takrorlanish
vaqtini miqdoran aniqlash lozim bo‘ladi.
Buyurtmaning optimal kattaligi va chastotasi quyidagi omillarga bog‘liq bo‘ladi:
-
talab hajmi;
-
transport-tayyorlov xarajatlari;
-
zaxirani saqlashga bo‘lgan xarajatlar.
Buyurtma o‘lchami oshganda transport-tayyorlov xarajatlari kamayadi, chunki
tovarlarni sotib olish va tashish katta partiyalarda, va demak kamroq amalga oshiriladi. Bu
bog‘liqlikning grafigi 7.2-rasmda tasvirlangan.
