Microsoft Word al adab oqshom ziyouz com doc

508-bob. Uyga salom berib kirishnig fazilati haqida 
1126. Abu Umoma (r.a.) aytdilar: "Rasululloh (s.a.v.) dedilar: "Uchta (narsa borki, uni 
qilganlarning) har biri Allohning himoyasidadir, tirikligida Alloh unga kifoya qiladi, o'lsa 
jannatga kiradi: kimki uyiga salom berib kirsa, u Allohning himoyasidadir. Kimki 
masjidga chiqsa, u ham Allohning himoyasidadir. Kimki Alloh yo'lida jihodga chiqsa, u 
ham Allohning himoyasidadir". 
1127. Jobir ibn Molik (r.a.) aytdilar: "Agar uyingga, ahling huzuriga kirsang, ularga Alloh 
huzuridan (kelgan) pokiza va muborak salom ber". Abu Zubayr (r.a.) aytdilar: Men 
(Jobir (r.a.)ning) faqat Allohning ushbu so'ziga ishora qilayotganini sezdim: "Qachon 
sizlarga biror salomlashish (iborasi) bilan salom berilsa, sizlar undan chiroyliroq qilib alik 
olingiz yoki o'sha (ibora)ni qaytaringiz..." (4:86). 
509-bob. Uyga kirishda Alloh zikr qilinmasa u yerda shayton in qurishi haqida 
1128. Jobir (r.a.)dan rivoyat qilindi: "Rasululloh (s.a.v.) aytdilar: "Kishi uyiga kirishda va 
ovqatlanishda Alloh azza va jallani zikr qilsa, shayton: "Sizlarga qo'noq (boshpana) ham, 
kechki taom ham yo'q", deydi. Agar kishi uyiga kirishida Allohni eslamasa, shayton: 
"Boshpanaga erishdingiz", deydi. Agar u ovqat payti Xudoni yodiga olmasa, shayton: 
"Boshpanaga ham, kechlik taomga ham erishdingiz", deydi". 
510-bob, Izn so'ralmaydigan joy haqida 
1129-hadis. Ayyon Xavorazmiy (r.al.) aytdilar: "Biz Anas ibn Molik (r.a.)ning oldilariga 
kelganimizda u kishi dahlizlarida o'tirgan edilar, yonlarida hech kim yo'q edi. Do'stim u 
kishiga salom berib: "Kirsam maylimi?" - dedi. Anas (r.a.): "Kir, bu yer hech kim izn 
so'ramaydigan joydir", dedilar. Oldimizga ovqat qo'ydilar, biz yedik. So'ng bir qadah 
shirin nabiz olib keldilar, biz quyib berdik, ichdilar". 
511-bob. Bozor do'konlarida izn so'ralmasligi haqida 

---

Al-adab al-mufrad. Imom Ismoil al-Buxoriy 
www.ziyouz.com kutubxonasi 
173
1130. Mujohid (r.a.) aytdilar: "Ibn Umar (r.a.) bozor uylari (do'konlari)da izn so'ramas 
edilar". 
1131. Ato (r.a.) dedilar: "Abdulloh ibn Umar (r.a.) gazlamafurushlarning do'konlari 
soyasida dam olmoq uchun ulardan izn so'rardilar".