Microsoft Word bankir ziyouz com doc
Yüklə 0,96 Mb. Pdf görüntüsü
|
| www.ziyouz.com kutubxonasi
15 bo‘lib, unga o‘n ikkita tilla gardishli g‘azna darchalari ishlangandi. Darchalar ortida g‘aznachilar daftarlari ustiga engashib, o‘zlarini ishga jiddiy banddek ko‘rsatishardi. Palmerning oyoqlari ostida oq marmar to‘shalgan pol yaltirab turardi. Uch qavatli uy balandligidagi shiftdan yog‘ilib turgan zarhal shafaq zalni yoritib yuborgandi. Palmer qoramtir-yashil rangga bo‘yalgan shiftga ko‘z yugurtirdi. Billur taqinchoqlar osilib, tilla suvi yugurtirilgan qadimiy qandillar go‘yo yarim tun osmonida yulduzlardek porlab turardi. Markaziy darvozaning har ikki tomonida yashil charm divanlar qo‘yilgan, ular orasidagi nafis tagliklarda tilloyi kuldonlar yaltirardi. Zalning to‘rida ikkita lift yonida kichkinagina, sochlari oppoq, ozg‘in odamcha turardi. Uning kasbiy kiyimi va yoniga osgan politsiyachi to‘pponchasining g‘ilofi bo‘lmaganida uni rutbali xizmatchi yoki darbon deyish mumkin edi. Shiftning balandligi uch qavat uy bo‘yi keladigan hashamatli zalda sukunat hukm surar, elektron jihozning mayin chiqillagani eshitilardi. Aftidan, xizmat xonalarida hujjatlarni saralayotgan uskunaning ovoziga o‘xshaydi. Palmer bir zum darchalardan kelayotgan tovushga quloq tutdi: zayomlar bo‘yicha qarzdorlikni hisoblayotgan bo‘lsa kerak. Uning kelganiga hech kim e’tibor bermagandek ko‘rindi: bankka kiraverishda o‘tirgan xizmatchilar, darbon va hatto lift yonidagi qorovul ham u tomonga bir bor qayrilib qarashmadi. Tillasi yaltirab turgan marmar to‘shama bo‘ylab odimlab borarkan, u poshnalaridan taralayotgan bo‘g‘iq tovushni his qilardi, xolos. Palmer yaqinlashib kelishi bilan qorovul unga bosh egib sassiz salomlashdi va tugmani bosdi, liftning qopqalari ikki yonga surildi. — Siz o‘n sakkizinchi qavatga chiqasiz, mister Palmer, — dedi qorovul. Palmer bu yerda ko‘rsatilayotgan «tomosha» uchun o‘zicha istehzoli jilmaydi-da, keskin orqaga burildi. Uni diqqat bilan kuzatib turgan bank xizmatchilari — ma’murlardan tortib g‘aznachilargacha — qotib qolishdi. Ularning noqulay ahvolga tushib qolishganini ko‘rmaslik uchun Palmer shu zahoti yana orqaga burildi-da, liftga kirdi va tugmani bosdi. Eshiklar yopildi. U soatiga qarab qo‘ydi. Bir daqiqasi kam o‘n bir. Juda soz. Lift yuqoriga mayin ko‘tarilib borarkan, Palmer yana bank binosining birinchi qavatidagi tarhini kim ishlab chiqqanini o‘yladi. Binoning birinchi qavatidagi zalning g‘oyasi umrini yashab bo‘lgan konservatizm qonunlari asosida paydo bo‘lganligi shundoqqina ko‘rinib turardi. Axir, bu cheklangan, qari, mijg‘ov, sharobxo‘r sarmoyadorlar o‘z niyatlarida teatr bezaklari naqqoshlari ham amalga oshirolmagan narsalarni ko‘ra bilgan va bunyod etgandilar. Ana shu keksa yapaloqqushlar erishgan yutuqlar o‘zining kutilmaganligi va takomilligi bilan hayratga solardi. Birgina zalning ichki ko‘rinishdagi tilloyi va yashil ranglar uyg‘unligi ham shuni tasdiqlab turibdiki, ular rivojlangan dunyoning ko‘pchilik malakatlarida ana shu ikki rang pulni bildirishini ham hisobga olganlar. Klerklarning1 an’anaviy ehtirossizligi-chi? Palmer hech bir tomoshada aktyorlarning o‘z ro‘llarini bunaqa zo‘r o‘ynaganini hali ko‘rmagan edi. Holbuki, ularga hech kim va hech qachon o‘zlarini mana shunday tutishlari kerakligini aytgani yo‘q. Ularning o‘zlarini shu tarzda tutishlari asta-sekin an’anaga aylandi va avloddan-avlodga o‘tib kelmoqda. Palmer shu yerda ishlashi kerakligini sezganidan birdaniga quvonch his etdi. Ammo bu tuyg‘u shu lavozimga tayinlanganida his etgan tantana zavqiga sira o‘xshamasdi. Palmer jilmayib qo‘ydi. Lift eshigi ochilib, u binoning oxirgi qavatidan tashqari chiqqanida ham uning chehrasidan tabassum arimagandi. Yo‘lakdagi kattakon stol yonida o‘tirgan qiz paypog‘ini to‘g‘rilash uchun engashdi. Palmer nigohi bilan uning oyoqlari bo‘ylab bir suzib o‘tdi-da, ko‘zini chetga oldi. Biroq atrofida diqqatga sazovor biror narsa uchratmagach, orqasidagi lift eshigi yopilishi bilan yana qizga qaradi. Savol alomati bilan unga qaragan qiz so‘radi: — Mister Palmermi? U tasdiqlab bosh irg‘adi. Qiz shoshilib o‘rnidan turdi-da, yo‘lak bo‘ylab yurarkan, orqasidan yurishini |