Microsoft Word bankir ziyouz com doc

www.ziyouz.com kutubxonasi 
163
— Co‘nggi vaqtlarda men birjadagi ahvolni kuzatdim, — yolg‘onladi u, hozirgina makleridan olgan 
ma’lumotlarga tayanib. — Bilasizmi, — davom etdi u, — YuBTK aktsiyalari ahvoli bilan qiziqish uchun 
bir amallab vaqt topishga harakat qilayapman. Men har kuni sotuvga qancha aktsiya kelib tushishini 
tekshirayapman. Asta-sekinlik bilan bo‘lsa ham, ammo aktivlar muntazam o‘sib bormoqda. 
— Sening ko‘zlaring menikidan o‘tkirroq, — keskin ohangda javob berdi Berkxardt. 
— Siz hech narsani ko‘rmadingizmi? 
— Men odatdagi aktiv talabi va taklifini ko‘rganman, xolos. YuBTK aktsiyalari boshqa aktsiyalar 
qatori jadal sotilmoqda va sotib olinmoqda. Ammo jadallik umumiy. Bu bevosita YuBTKga daxl 
qilmaydi. 
— Men bunga ishonmayman. 
— Vudi. — Berkxardt sanchqini shunday keskin qo‘ydiki, Palmer cho‘chib tushdi. — Bu o‘zi, jin 
ursin, gapni qayoqqa burayapsan? 
— Modomiki siz bu faollik risoladagiday dedingizmi, men sizning so‘zingizga ishonishim kerak. 
— Ishonaver, jin ursin, — shartta dedi Berkxardt. 
— Yaxshi, — yon berdi Palmer. — Keling, so‘nggi bir necha oyni olaylik. Aktsiya baholari biroz 
tushdi. Uning birjadagi narxlari tebranib turibdi. Shunday kun va haftalar bo‘ladiki, YuBTK aktsiyalari 
ko‘payib ketadi, shunday kun va haftalar bo‘ladiki, ular ozayib qoladi. Bu beqaror bozor. Vaqti-vaqti 
bilan narx ko‘tarilishi kuzatiladi, chunki ularda ko‘plab tajribasiz havaskorlar ishtirok etadilar. Ammo 
narxni tushirib o‘ynaydigan chayqovchilar hamon faol va vaqtinchalik vaziyatdan o‘z manfaatlariga 
foydalanib qoladilar. Agar siz hisobotlarni o‘rgangan bo‘lsangiz, ko‘plab tarqoq bank ishlarini 
payqagan bo‘lishingiz kerak. Men sizga aytgan haligi ikkitasini istisno qilganda yorqin 
tendentsiyalarning yo‘qligi. Birjada nima qilinayotganidan, u yoki bu haftaning umumiy yo‘nalishi 
qandayligidan qat’i nazar, siz YuBTKning sotilgan aktsiyalari miqdorining birmuncha ortganini albatta, 
ko‘rasiz. Bir necha oy muqaddam kunduzgi me’yor taxminan soat uchlarga teng kelgan edi. Kecha olti 
mingtasi sotilgandi. Bu bitta tendentsiya. Ikkinchisi — bu narx. Bir necha oy muqaddam u yetmish 
ikkida muqim turgan edi. Kecha, birja yopilganda, yetmish sakkiz edi. 
Berkxardt qo‘llarini ikki tomonga yoydi. 
— Men senga hozirgina aytdim, bizlar — birjaning asosiy ustunimiz, deb. O’zing ayt-chi, nima 
uchun bizning aktsiyalarimiz shunchalik ko‘p jamg‘armalarning portfellarida bor? Agar jiladigan 
bo‘lsak, yuqoriga qarab jilamiz. Asta-sekinu ammo bir tekis jilamiz. Endi bunaqa safsatalaringga balo 
bormi? Undan ko‘ra muddaoga o‘tib qo‘ya qol. 
Palmer lablarini qimtidi. 
— Meni gapdan chalg‘itishga urinmang, — sovuq ohangda dedi u. — Bu qo‘lingizdan kelmaydi. 
Berkxardt unga uzoq qarab qoldi. So‘ng YuBTK Prezidentining yuzida qandaydir o‘zgarish yuz 
berdi. Ko‘zlari atrofidagi qoramtir ajinlar chuqurlashdi. Palmer suhbatdoshining qansharidagi tomirlar 
bo‘rtganini, pastki jag‘i oldinga turtib chiqqanini payqadi. 
— Gapir, — dedi Berkxardt muzdek sovuq ohangda. — Davom et. Gapir. 
— Men aytadiganimni aytib bo‘ldim, endi navbat sizga. 
— Mening nima deyishimni istaysan? — so‘radi Berkxardt. Endi uning ovozida bo‘g‘iq shikoyat 
ohangi bor edi. — Sen haqsan deyishim kerakmi? Ha, ehtimol, sen haqdirsan. 
— Unda tushuntirib bering, bu nimani anglatadi? — iltimos qildi Palmer. 
— Agar bilganimda... — Berkxardt xo‘rsinig‘ini bosdi. — Bo‘pti. Men buni uch haftacha ilgari 
payqagan edim. Sen ham, aftidan, payqagan ko‘rinasan, men oldingi oylarni tekshirib chiqdim va bu 
ancha vaqtdan beri sodir bo‘lib kelayotganini ko‘rdim. Men tushuntirib bersin deb darhol Kliffni 
chaqirdim. U bunday ishlardan doim xabardor bo‘lib turishi va u biron narsani sezgan zahoti menga 
ma’lum qilishi shart. Xuddi menga o‘xshab, Kliff ham hayron edi. 
— Axir bu yaxshi emas-ku. U bilishi kerak edi! 
— Nazariy jihatdan shunday. Lekin u bu narsaning oddiy hol ekaniga ishonib qo‘ygandi. 
— Bir daqiqa siz bayon etgan keng mulohaza — bu Kliff Mergendalning izohi edimi? — 

---

Bankir (roman). Lesli Uoller