Microsoft Word bankir ziyouz com doc

www.ziyouz.com kutubxonasi 
253
— Shundayligiga ishonasanmi? 
— Ishonmayman, — Palmer bo‘shashdi. — Bu shunchaki, ishonib bo‘lmaydigan gap. 
Shu payt Virjiniya uni ko‘rdi. Uning qo‘llari Bernsning tirsagiga yopishdi. 
— Men yanayam ishonib bo‘lmaydigan narsalarni ko‘rdim, — sekingina dedi Edis. 
Shu payt Berns ham ularni ko‘rdi va maftunkorona hayrat bilan Virjiniyani ularning oldiga yetaklab 
keldi. 
— Vudi... va mening sevimli mallaginam. Qalaysiz, azizam? — u Edisga murojaat qildi. Uning 
javobini kutmasdanoq: — Edis, Palmer, Virjiniya Kleri, bizning ishongan xodimimiz — jamoatchilik 
bilan aloqa qilish bo‘yicha mutaxassis. 
Edis bir soniyaga ikkilanib turgach, qo‘lini uzatdi. 
— Siz haqingizda hamma narsani bilaman deya olmayman, — Virjiniyaga murojaat qildi u. — Biroq 
siz o‘sha... Vudi uchun nutqlar yozib beradigan daho bo‘lsangiz kerak. 
Virjiniya uning qo‘lini qisdi. 
— Odatda, yozar edim, — dedi u sekingina. 
— Kechirasiz? 
— Odatda yozar edim, — qattiqroq takrorladi Virjiniya. — Endi bu lavozimdan ozod qilishgan. 
— Vuds o‘zidan aqlliroq odamlarni unchalik yoqtirmaydi. 
— Bundaylarni kim yoqtiradi? — Yumshoqqina qilib so‘radi Berns. 
— O, bu gapingiz siz bilan juda apoq-chapoq bo‘lmasligim kerakligini yodimga tushirdi, janob 
Berns. Mening erim siz bilan achchiqlashib qolibdi. Nima gap o‘tdi? — so‘radi Edis. 
— Nima gapligini aytgani yo‘q demoqchimisiz? — Hamon do‘stona jilmayib so‘radi Berns. Uning 
o‘tkir burni Palmer tomonga o‘girildi. 
— ... shartnoma deyarli mening qo‘limda edi, dedi menga, — Palmerning yonginasidan qandaydir 
erkakning ovozi keldi. 
— Unga qizig‘i bo‘lmasa kerak deb o‘yladim, — Bernsning gapiga javob berdi Palmer. 
— Aksincha. Men hamisha qiziqaman. 
Virjiniya Bernsga yanayam yopishibroq olib, qo‘llariga shapatiladi va: 
— Sen menga nisbatan sabrliroqsan, — deb qo‘ydi. 
— Agar siz bu ikki erkak bilan ishlasangiz, sizning sabr-toqatingiz hammanikidan ko‘proq ekan 
derdim, — Edis gap qo‘shdi. U jim bo‘lib qoldi, keyin atrofga alangladi. 
— Shampan vinosi yo‘qmi? 
— Hozir men topib kelaman, — Berns uchovini qoldirib, bir zumda nari ketdi. 
Palmer o‘zi va ikki ayol anchadan buyon jim turishganini anglab qoldi. U shoshilib, angladi. 
— Chamasi, Mak unchalik uzoqqa ketmagan shekilli, — gap boshladi u. — Anavi, u bilan 
gaplashayotgan ikki kishi kim ekan? 
Virjiniya u ko‘rsatgan tomonga qaradi. 
— Qishloqdan kelgan respublikachilar. 
— Mak demokratlardan boshqa birov bilan gaplashishiga shubha qilardim, — dedi Edis. 
— Hamma o‘zi xohlagani bilan gaplashadi, — javob berdi Virjiniya. — Bu — siyosatning asosiy 
qoidasi. Suhbatlashish, do‘stona munosabatda bo‘lish. Aloqa yo‘llarini ochiq tutish. 
— Ajoyib qoida, o‘ychanlik bilan dedi Edis. — Nafaqat siyosatda. 
— Biz, chamasi, bu qoidani quvvatlay olmaymiz shekilli, — Edis gapini davom ettirdi. — Aytingchi, 
Kleri xonim, bu bankda anchadan buyon ishlayapsizmi? 
— Yo‘q... deyarli ikki yildan buyon, — Virjiniya Palmerga nazar tashladi. — Nahotki shuncha ko‘p 
vaqtdan buyon ishlayotgan bo‘lsam? 
— Mening o‘zim ham yaqinda keldim-ku? Darrov ikki yil bo‘ptimi-a? 
Virjiniya biroz jim bo‘lib qoldi. Keyin: — Darvoqe, shunday. Sezmabman ham, ikki yil bo‘libdi, — 
deb qo‘ydi. 
Yana gap qovushmadi. Palmer ko‘zlari bilan Bernsni qidirdi va u shtatning sobiq gubernatori bilan 

---

Bankir (roman). Lesli Uoller