Microsoft Word bankir ziyouz com doc

www.ziyouz.com kutubxonasi 
254
suhbatlashayotganini ko‘rdi. 
— Umid qilamanki, judayam ichkilaring kelmayotgandir, — dedi Palmer. — Mak yana to‘xtab qoldi. 
— Sen uni tutib kela qolmaysanmi? Biz seni kutib turamiz. 
— Men... 
— Boraqol, azizim. Biz Kleri xonim bilan suhbatlashish uchun mavzu topa olamiz. 
— Uning bir necha daqiqadan keyin qaytishiga ishonaman... 
— Qara, uni endi senator gapga solayapti, — ayol uning qo‘liga bo‘sh qadahini tutqazdi. — Biz yo 
shu yerda bo‘lamiz yoki... — u atrofiga nazar tashladi. — Yoki birinchi stolning yonida bo‘lamiz. 
Palmer Virjiniyaning ko‘zlariga qaradi va unda qandaydir alohida ma’no angladi. 
— Men hoziroq qaytaman. — u qornida ko‘nglini ag‘darar darajada og‘riq sezib, nari ketdi. 
U Bernsni bar yonida, Vik Kalxeyn bilan qizg‘in suhbatlashayotgan joydan topdi. 
— Mak, — Palmer unga murojaat qildi, — katta rahmat! 
Berns ung sekingina, surbetlarcha jilmayib, o‘girildi. 
— Vudi, bolaginam, jin ursin ular nima haqda gaplashisharkin? Xotinning o‘ta sezgir-a, shunday 
emasmi? 
Palmer uch qadah shampan vinosi buyurdi. 
— Virjiniyani birga kelishga qanday ko‘ndirding? 
— Shaxsan yoqimtoyligim bilan, sen uchun bu ishda balogardon bo‘layotganimni unutmagin. 
Palmerning o‘zi vino va qadahlarni olmoqchi bo‘ldi-yu, biroz o‘ylab, bufetchiga buyurdi: 
— Manavi qadahlar va shampanli shishani ofitsiantingiz o‘ng tomondagi birinchi stolchaga olib 
borsin. — U Bernsga yana bir qarab, nari ketdi. 
Zalda odamlar shunchalik ko‘p ediki, ayrimlar bo‘sh joy topish ilinjida eshik yonida tik turishardi. 
Palmer ularning orasida sabr-toqat bilan kutib turgan ikkita erkakni — qaysidir kichikroq davlatning 
Birlashgan millatlardagi vakilini tanib qoldi. U ushbu olomon orasidan amallab ular tomon yo‘l ochib 
bora boshladi... 
— Erim bilan ishlash qiyin emasmi? —  kutilmaganda so‘radi Edis. 
— Endi... men unday demasdim... 
— Siz u haqda nima deya olasiz? 
Virjiniya indamadi. 
— Unga bo‘ysunuvchi xodim va rahbarining xotini bilan suhbatlashayotgan ayol sifatida u haqda... 
menimcha, hech narsa demasdim... 
— O, — Edis yoqimli jilmaydi va o‘girilib, Palmerni ko‘rdi. — Ana, uning o‘zi ham. Lekin vinosiz. 
Nima bo‘ldi, azizim? 
— Vino keltirishni ofitsiantga topshirgandim. 
U kichkinagina javohirlar bilan bezatilgan soatchasiga qaradi. 
— U ulgurmaydi. Soat o‘n bo‘ldi.  
— Umumun, men ketmoqchiman, — Edis Palmerga qaradi. — Menimcha, sen qolishing kerak. 
— Shunday shekilli. 
— Yaxshi, — Edis o‘rnidan turdi. 
— Mashinagacha kuzatib qo‘yaman, — Palmer uning qo‘lidan ushladi. — Bu tiqilinchda menga 
yaqinroq yur. 
— Ko‘rishguncha, Kleri xonim, siz bilan tanishganimdan o‘ta xursandman. 
— Rahmat, Palmer xonim. Men ham juda xursandman. 
Edis unga bir lahza tikilib qoldi. 
— Menimcha, — xayolchanlik bilan dedi u, — ikkovlaring ham juda yaxshi o‘ynadilaring... 
 
 
Ellik oltinchi bob 
 

---

Bankir (roman). Lesli Uoller