Microsoft Word bankir ziyouz com doc

www.ziyouz.com kutubxonasi 
31
— Mendan Katta Vikka salom deb qo‘y, — dedi u chiqib keta turib. 
— Mana, bugungi ish ham bitdi. — to‘ng‘illadi uning orqasidan qarab qolarkan Berns. Keyin 
Palmerga burildi-da: 
— Juda soz, — deb qo‘ydi. 
— Ha, mayli, u mening chikagolik bankir ekanimni bildi, deb taxmin qilaylik, siz shuni 
hohlagandingiz. Lekin mening YuBTKda ishlashim unga hali ma’lum emas-ku. 
Berns qoshlarini chimirdi: 
— Nima balo, matbuotga mo‘ljallangan axborotimizni Leyn sizga ko‘rsatmadimi? — U pidjagining 
ichki cho‘ntagini kovlashtirib bir varaq buklangan qog‘ozni oldi. 
— Ushbu axborot bugun kurerimiz bilan gazetalar tahririyatlariga va telegraf agentliklariga 
yuborildi, — dedi u. 
Palmer qog‘ozni yoydi. U «Yunayted benk» blanki bo‘lib, matn oltin harflar bilan yozilgan edi. 
Rotoprintda ko‘paytirilgan xabarning sarlavhasida «Palmer omonat banklariga qarshi kurashish uchun 
kompaniyaga ishga o‘tdi» deyilardi. 
Palmer hayron bo‘lib Bernsga qaradi: 
— Bu haqda men bilan hech kim kelishib olgani yo‘q. Men rasmiy ravishda faqat bir oydan keyin 
ishga tushaman. 
— Vudi, biz bitta qayiqda suzayapmiz, axir. Men ushbu nusxani yuqori qavatdagi eshik oldida 
o‘tirgan baland bo‘yli mallasoch qiz stolidan olganman. 
— Lekin siz reklama masalalari bo‘yicha YuBTK maslahatchisisiz, axir? — qiziqib so‘radi Palmer. — 
Axir, bunday materiallar sizning imzoingizsiz tarqatilmaydi. 
— Bu mening vazifamga kirishini hech kim bilmaydi. Xuddi shu boisdan ham Len Bekkon 
ikkalamizni birgalikda ko‘rishi shunchalar muhim edi. 
— Unda bu xabarni kim tarqatdi, axir, jin ursin? Reklama bo‘limimi? — so‘radi Palmer g‘azablanib. 
— Ha-da, boshqa kim yuborardi! 
— Hatto oldindan men bilan kelishmay turib-a? Bu qanday surbetlik, jin ursin. 
Berns qo‘llarini yoydi, kaftlarini yuqori qaratib ko‘targani uchun kuylagining tugmasi solinmagan 
yenglari qanotlarga o‘xshab shalpayib pastga tushdi. 
— Nima bu xabarda sizga biror narsa yoqmayaptimi? — so‘radi u. 
— Bilmayman, — to‘ng‘illadi Palmer va xabar mazmunini hali o‘qib chiqmaganini eslab, unga ko‘z 
yugurtirdi: 
«Eng yirik Amerika banki — YuBTK prezidenti va boshqaruv raisi Leyn Berkxardt bugun shuni e’lon 
qildiki, chikagolik taniqli bankir, Vuds Palmer-kenja, sobiq prezident...». 
Berns tirsagi yonidagi telefon yana sekin, ammo qat’iyat bilan jiringladi. Palmer o‘qishdan to‘xtadi. 
— Ehtimol, Karakasdir, — dedi aybdor ovoz bilan Berns. — Allo? — uning ovozi birdan yumshadi. 
— Sizni chaqirishyapti, — deb go‘shakni Palmerga tutqazdi. 
— Allo? 
— Janob Palmerni, marhamat, — dedi telefonchi qiz. 
— Palmer eshitayapti. 
— Sizni shaharlararo stantsiya so‘rayapti, kutib turing, iltimos. 
Palmer kutib turdi. U yoqdan javob bo‘lmagach: 
— Gapirsangiz-chi, — dedi Palmer. 
— Vuds? — Edisning hayajonlangan ovozi eshitildi. — Allo, Vuds... 
— Edis, qaerdan gapirayapsan? 
— Men dala hovlidan sim qoqayapman. Tinimsiz telefon qilishyapti, gazetalar bilishni istaydi, 
Vuds... 
— Ha, ha, men eshitayapman. 
— Vuds, shu rostmi? 
Uellsli kollejda unga singdirilgan so‘zlash ohangi har qanday ichki hayajonini ishonch bilan 

---

Bankir (roman). Lesli Uoller