Microsoft Word bankir ziyouz com doc

www.ziyouz.com kutubxonasi 
41
o‘xshardi. — Nyu-Yorkda men haqimda hamma biladi. Hatto men chekayotgan sigareta markasini 
ham. Mening hayotim hamma uchun ochiq kitobday. — Palmer chaqmoqni yoqib, uning sigaretasini 
o‘t oldirdi-da, so‘zida davom etdi:  
— Marhamat qilib ayting-chi, YuBTKning razvedka tizimi yaxshi ishlaydimi? 
— Juda yaxshi, — javob berdi xonim. 
— Men amaliy xabarlarni nazarda tutayapman, — aniqlik kiritdi Palmer. 
Xonim uning sigareta chekishiga qarab turdi. 
— Sizning nimani nazarda tutayotganingizni tushunaman, — dedi u ko‘zini Palmerning yozuv 
stoliga qaratib. — Sizning razvedka sohasida yangi odam emasligingiz menga yaxshi ma’lum. 
— Ha, o‘n besh yil burun bu ishga aloqam bo‘lgan, — deb javob berdi Palmer va birdan to‘xtab 
qoldi. — Hujjatlarimda sanalar aniq ko‘rsatilgan. 
Xonim tasdiqlaganday bosh irg‘adi va so‘radi: 
— Ko‘rishni xohlaysizmi? 
Palmer orqasiga suyandi, bir oz yengil tortganday bo‘ldi. 
— Boshqa vaqt ko‘rarman, — dedi u. — Qandaydir yomg‘irli oqshomlarda, qiladigan boshqa ish 
qolmagach. 
— Eng dastlabki yozuv 1945 yilga taalluqli, — xabar qildi miss Kleri. 
— Aftidan, siz bu hujjatga yaqinda ko‘z tashlaganga o‘xshaysiz, — dedi Palmer. 
— Bugungi tongni men shundan boshladim. 
— Ayting-chi, kim oldin telefon qildi? Sizmi yoki Mak Bernsmi? 
Xonim yengil jilmaydi. Palmer u jilmayganda og‘zi chiroyli bo‘lib ketishini sezdi. 
— Mening YuBTKda ishlayotganimga bir yildan sal oshdi, axir. Meni shu darajada ishdan 
chiqarishlariga bu yetarli bo‘lmasa kerak. U menga sim qoqdi. 
— Siz uning savollariga javob berdingizmi? 
— Albatta, — dedi xonim va sigareta kulini tilloyi kuldonga qoqdi. — Axir u bizlarga ishlayapti. 
— Biroq bu hammaga ham ma’lum emas. 
— Kimga-kimga-yu, lekin buni men bilishim kerak, shunday emasmi? Men bilmasam, qanday 
ma’nisi bor... 
— Ayting-chi, — uning gapini bo‘ldi Palmer, yanada ko‘proq bilish maqsadida. — Siz YuBTKga 
ishga kirgunga qadar biror gazetada ishlaganmidingiz? 
— Ha, «Star»da ishlaganman. 
— Moliyaviy masalalar bilan shug‘ullanganmisiz? 
— Aniqrog‘i bank ishlari bilan. 
— Ungacha nima ish qilardingiz? 
— «Tayms»da ishlardim, axborot bo‘limida. 
Palmer chimirildi. 
— Odatda, kishilar xizmat pog‘onasi bo‘ylab teskari tartibda, qanday aytsam ekan, yuqorilash 
tartibida ko‘tariladilar. Siz bo‘lsangiz. «Tayms»dan «Star»ga o‘tibsiz. 
— Hammada ham shunday bo‘lavermaydi, — qayd qildi xonim ehtiyotkorona. — «Star»da men 
ko‘proq pul olardim. — U bir oz jim qoldi, so‘ng chuqurroq nafas olishga urinayotganday so‘radi: — 
Mening ishim haqida tavsiyalar va fikr-mulohazalarni ko‘rib qo‘yishni istamaysizmi? 
Yana jimlik cho‘kdi. Go‘yo Palmerning ulkan xonasida bepoyon bo‘shliq mana shu notabiiy sukunat 
bilan to‘lib ketganday edi. Nihoyat Palmer jilmaydi va jimlikni buzdi. 
— Men yana kerak bo‘lmagan gapni aytdim, to‘g‘rimi? 
Bu safar xonim uning tabassumiga javob qaytarmadi. 
— Yo‘q, sizda hammasi yaxshi bo‘layapti, — dedi miss Kleri, — Holbuki, siz hech qachon jurnalist 
bo‘lmagansiz. Lekin savolni qanday berishni juda yaxshi bilasiz. Ba’zilar bunga erishish uchun yillar 
sarflaydilar. 
— Bu menda urush davridan qolgan odat, — tushuntirdi u quruq qilib va qo‘shib qo‘ydi. — Bayonot 

---

Bankir (roman). Lesli Uoller