Microsoft Word bankir ziyouz com doc

www.ziyouz.com kutubxonasi 
139
— Menga sening jamoling bo‘lsa bo‘lgani, qizaloq. 
— O’zingga o‘zing xizmat ko‘rsataver, — dedi juvon. — Ertaga vaqtida kelgin-da, nohaqligingni 
bo‘yningga ol. Bu hammamizning ahvolimiz yengillashuviga ancha yordam beradi.  
— Sen do‘stim, do‘stginam. 
— Yaxshi, ko‘rishguncha. 
Virjiniya go‘shakni endi joyiga qo‘ymoqchi bo‘lganida Bernsning zaif ovozi eshitildi. 
— Ha, Mak? 
— Ikkovingiz mening kvartiramda vaqtni qanday o‘tkazdingiz deb so‘rayapman. 
Virjiniya barmog‘i bilan Palmerning chap ko‘kragiga bosdi. — Men senga uning aniq ta’rifini berdim, 
— javob berdi juvon. — Sibir. 
— Juda yomon. 
— Kimga? 
— Kimga bo‘lardi? — Berns kuldi. — Palmer mo‘maygina luqmani boy berdi, panja. 
— Bu haqda sen nimani ham bilarding, kallavaram? 
— Aqlim yetadi. Ertaga rosa to‘qqizda ko‘rishguncha. 
— Xayr. 
Juvon Palmerning ustidan cho‘zilib, go‘shakni joyiga qo‘ydi. Yuzlari yuzlariga to‘g‘ri kelganda esa 
Virjiniya uning pastki labidan asta tishlab qo‘ydi. 
— Ixtiyorimizda endi yana ko‘p vaqt bor, — shivirladi juvon. — U nima deganini eshitdingmi? 
Palmer bosh irg‘adi: 
— Bunaqa suhbatlarda qachon ishtirok etishimga to‘g‘ri kelganini eslay olmayman. 
— Bunda aytarlik hech gap bo‘lgani yo‘q, — unga qo‘shildi Virjiniya. Bo‘salardan uning ovozi 
yarmigacha bo‘g‘ilib qoldi. Juvon o‘tirib oldi-da, unga diqqat bilan razm soldi. 
— Charchaganga o‘xshaysan. 
— Ammo baxtliman. 
— Ammo charchagansan. 
— Qo‘ysang-chi, — javob berdi yigit. — Judayam ishdan chiqib qolgan darajada emasdirman. Lekin 
men maxsus mashqdan o‘tmagan edim. 
— Bordi-yu, meni uyaltirib qo‘yishga harakat qilganingda ham baribir hech narsa chiqmaydi. 
— Ayollar — boshqa gap. 
— Sen kuzatuvchansan. — Juvon qo‘lini uning badani bo‘ylab yurgizdi. — Ha, butunlay qo‘lidan ish 
kelmaydigan darajadasan deb bo‘lmaydi. — Uning qo‘li quloqqacha yetdi. — Mana shu yerda eng 
yaxshi joylar boshlanadi. 
— Hammasi yaxshi ovqatlanishdan. 
Qo‘l ohista pastga harakat qildi. 
— Oliy nav, — dedi Virjiniya bir soniya o‘tgach. Birmuncha vaqt ular jimib qolishdi. Juvon qo‘lini 
oldi va uning tomonidagi karavot yonida turgan stolchada yotgan sigaretalarga cho‘zildi. 
— Beraymi? 
— Ber. 
Juvon har ikkala sigaretani tutatdi, o‘zinikidan tutunni ichiga tortdi va uni shiftdagi to‘rtburchak 
yog‘duga qarab pufladi. 
— Men hech bir odam ko‘zi bilan ko‘rolmaydigan narsani ko‘ra olaman, — dedi juvon. 
Palmer bor bo‘yicha karavotga cho‘zilib, qulayroq yotib oldi. U oyoqlarida yengil, yoqimli og‘riq va 
qorin mushaklarida charchoq his etdi. 
— Aytib ber-chi. 
— Bu sen uchun butunlay yangilik ekanini ko‘rib turibman. 
— “Bu” deganingni to‘laroq ta’riflab bera olasanmi? 
— Bu... vaziyat. Bu... munosabatlar. 
— Yangilik emas, — javob berdi Palmer. — G’ayriodatiy. 

---

Bankir (roman). Lesli Uoller