Microsoft Word bankir ziyouz com doc
Yüklə 0,96 Mb. Pdf görüntüsü
|
|
Bu yil Mehnat kuni ikkinchi sentyabrga to‘g‘ri keladi va Jerri donolarcha qayd qilganidek, uydagi yugur-yugurni yana avj oldiradi. Missis Keyj shahardagi uyda mavjud buyumlarni yig‘ishtirib taxlashga bosh-qosh bo‘lish uchun Evanstonda qoldi. Viskonsindagi shahar tashqarisidagi uyni Edisning o‘zi tartibga keltirdi va qulflab Bankir (roman). Lesli Uoller www.ziyouz.com kutubxonasi 43 qo‘ydi. Hozircha bu uyni hech bo‘lmaganda bir yil mobaynida sotish niyatida bo‘lmaganliklari uchun bu yerda hech qanday muammo tug‘ilmadi. To‘g‘ri, bir yildan so‘ng shu masala yana ko‘tariladi, lekin hozir Palmer bu ishni bir oz orqaga surganidan xursand edi. Edis ikkalasi shahar atrofidan o‘zlariga maqbul uy qidirib, ikki dam olish kunini sarflagan bo‘lishlariga qaramay, Beshinchi avenyudan uncha uzoq bo‘lmagan Yetmishinchi ko‘chadagi qo‘ng‘ir qumtoshdan tiklangan dang‘illama uyni olishga qaror qilishdi. Bunday uyning narxi yuz ming dollardan oshiq turardi, lekin Palmerning uni yarim bahosiga sotib olish imkoni bor edi. Dang‘illama uyni ko‘zdan kechirish paytida uning bu qadar arzon tushishi o‘z ma’nosini yo‘qotdi, chunki uni ta’mirlash va qayta qurish uchun sotib olish narxichalik pul ketishi Palmerga ma’lum bo‘lib qoldi. Biroq u, baribir, shu uyni sotib olishga qaror qildi va oilasi bilan o‘sha dang‘illama uy yaqinidagi mo‘‘jazgina bir mehmonxonaga ko‘chib o‘tdi. Edis shu yerdan qayta qurishning borishini kuzata olardi. Palmer bolalarni Bentli maktabiga joyladi. Bundan u o‘zini chinakam baxtli hisoblardi. Zero, shunday jiddiy masala qiyinchiliklarsiz hal bo‘lgan edi. — Har holda, bu borada ancha omadimiz keldi, — dedi u Edisga, bir kuni ertalab bolalar maktabga ketishgach. — Qolgan hamma narsa faqat tashvish va ko‘ngilsizliklar keltirmoqda. Edisning rangsiz tus olgan kichik-kichik ko‘zlari, zo‘rg‘a sezilayotgan kipriklari bilan u allanarsalar yozayotgan yondaftardan asta ko‘tarildi. Uning nigohi bir muddat yondaftar bilan u qo‘lida ushlab turgan qahvali finjon o‘rtasida daydib yurdi-da, keyin Palmerning yuzida to‘xtadi. Palmer stol ortida, uning qarshisida o‘tirgandi. — Men ulardan qahvani bunchalik achchiq damlamasliklarini so‘ragandim, — dedi Edis kutilmaganda. — To‘g‘ri, biz ikkalamiz ham qaymoqsiz qora qahvani yaxshi ko‘ramiz, lekin mana bu quyuq siyohga o‘xshaydi! — Keyin hech qanday mantiqsiz bir tarzda so‘radi: — Qanaqa ko‘ngilsizliklar to‘g‘risida gapirding, azizim? — Katta ko‘ngilsizliklar haqida, albatta. Haddan tashqari achchiq qahva va shu kabilar haqida. Xonim uncha qattiq bo‘lmasa ham, lekin eshitsa bo‘ladigan tarzda finjonni likopchaga urdi. — Xo‘sh, men yana qanaqa gunoh qildim? — so‘radi Edis. — Qanaqa gunoh qildim? — dedi Palmer ataylab befarq ohangda. — Hech qanaqa. — Ertalabdan jahling chiqishiga biror sabab bo‘lgandir-ku, axir. Nima uchun ertalabdan ko‘z-qoshini bo‘yash uchun vaqt ajratishmaydi. U uydan chiqib ketishi bilan kipriklarini, qovog‘ini bo‘yashga tushadi. Shundan keyingina ko‘zlari ancha jozibador bo‘lib ko‘rinadi. Agar Edis buni ularning uyini ta’mirlayotgan ustalar va ishchilar deb, mehmonxona darboni va xizmatchilari, kunduzlari uchratayotgan kishilari uchun qilayotgan bo‘lsa, kamdan-kam ko‘rayotgan eri uchun nega qilmaydi buni? — Peshanamga biror narsa tegmabdimi, nega unga buncha qarab qolding, azizim? — so‘radi Edis. — Yo‘q. Kechirasan, xayol olib qochibdi, — javob berdi eri va shoshib qahvasini oxirigacha ichdi. — Uydagi duradgorlik ishlarining ketishi yaxshimi? — Taxta yetkazib berish ikki haftaga kechikyapti, deyishmoqda. Old devor panjarasi uchun hali ruxsat olingani yo‘q. Bu borada qurilish qonunlarida qandaydir noaniqliklar bor, — javob berdi Edis. — Me’mor nima deyapti? — Uning ta’kidlashicha, Detroyt va Klivlendda buni qilishga izn bor emish. — Ha, bunisi ancha yengil, — dedi Palmer stol ortidan turarkan. — Men yana Fistga, «Empayr pleyvud»ga telefon qilaman. Ular bank amaliyotlarini biz orqali amalga oshiradilar. Mak Berns o‘zining keng tarmoqli aloqalari bilan bu ishda, ehtimol, foyda berib qolar. Edis o‘zining finjoniga qora qahvadan yana biroz quyib oldi-da, mayda qultumlar bilan icha boshladi. — Qiziq, dunyoda Mak Berns uddalay olmaydigan biror ish bormikin? Palmer ketayotgandi, lekin to‘xtadi va Edisga o‘girildi. Edisning orqasidagi derazadan tushib turgan ertalabki quyosh nuri boshi atrofida ingichka tillarang sochlaridan chambar hosil qilgandi. — Men uchun, azizam, u hamma narsani qiladi. Lekin hamma masala shundaki, jin ursin, shu |