Microsoft Word Iqtisadiyyat makro imtahan doc

43. Qiymətli kağızların məzmunu və funksiayları. 

 

 İqtisadiyyatın ümumi vəziyyəti qiymətli kağızlar bazarından əhəmiyyətli dərəcədə 

asılıdır.  Qiymətli  kağızların  buraxılması  istehsal  və  kommersiya  fəaliyyətinin 

genişlənməsində  kreditlərin  cəlb  edilməsi  işinin  mürəkkəbləşməsi  ilə  bağlıdır.  Belə  ki, 

istehsalın  inkişaf  etdirilməsi  və  genişləndirilməsi  üçün  bir  neçə  şəxsin  vəsaiti  kifayət 

etmir.  Bunun  üçün  daha  çox  sayda  sahibkarın  və  digər  şəxslərin  maliyyə  vəsaitlərinin 

səfərbər edilməsi lazım gəlir. Qiyməli kağızları almaq pul kapitalının bir hissəsini borca 

vermək deməkdir. Qiymətli kağızların mühüm keyfiyyəti onların likvidliyi (yəni istənilən 

anda pula çevrilə bilmək) və ölkədə olan sərbəst pul vəsaitlərinin iqtisadiyyatın müxtəlif 

sahələrinə cəlb edilməsidir.  Qiymətli kağızlar əmlak hüquqlarını və borc münasibətlərini 

təsdiqləyən  pul  sənədidir.  Qiymətli  kağızlara  səhmlər,  istiqrazlar,  veksellər,  sertifikatlar 

və s. aiddir, nağd və nağdsız formada buraxılır. Qiymətli kağızlar sərbəst pul vəsaitlərinin 

səfərbərliyə  alınması,  iqtisadiyyata  investisiyaların  cəlb  edilməsi,  investorlara  qiymətli 

---

 

28

kağızlar  haqqında  məlumat  verilməsi,  iqtisadiyyatın  strukturunun  təkmilləşdirilməsi, 

iqtisadiyyatın  iformasiya  təminatı,  açıq  bazarlarda  əməliyyatlar  aparmaqla  pul  kredit 

sisteminin tənzimlənməsi və s. funksiyalar həyata keçirirlər. Qiymətli kağızların meydana 

gəlməsi  nəticəsində  kapitalın  ikiləşməsi  baş  verir.  Bir  tərəfdə  real  kapital,  yəni  istehsal 

fondları  formasında  olan  kapital,  digər  tərəfdə  isə  onların  qiymətli  kağızlar  formasında 

ifadələri mövcud olur.