Microsoft Word Samir? dissertasiya docx
Yüklə 0,69 Mb. Pdf görüntüsü
|
| Sxem 7. [34]
COCO modeli mexanizmi Məqsəd – təşkilatın istiqamətini müəyyən edir. Bu qrupda təşkilatın məqsədləri, risklərin idarə edilməsi, planlar və xidməti fəaliyyət hədəfləri öz əksini tapır. Bu qrupa daxil olan 5 meyar aşağıdakılardan ibarətdir: 1) Məqsədlər dəqiq müəyyən olunmalı və bütün heyətə aydın şəkildə çatdırılmalıdır. 2) Məqsədlərə çatmağa mane ola biləcək bütün əhəmiyyətli daxili və xarici risklər müəyyən olunmalı və qiymətləndirilməlidir. 3) Məqsədlərə nail olmağa və risklərin idarə olunmasına kömək edəcək üsullar müəyyən olunmalı və işçilərə çatdırılmalıdır. 4) Məqsədlərə nail olmağı təmin edəcək səylərə istiqamət verə bilən planlar hazırlanmalı və təbliğ edilməlidir. məqsəd məsuliyyət kafilik monitorinq və təlim 82 5) Məqsədlər və onunla əlaqədar planlar özündə qiymətləndirilə bilən xidməti fəaliyyət hədəflərini və göstəricilərini ehtiva etməlidir. Məsuliyyət (Öhdəlik). Bu qrup özündə təşkilatın imici və əxlaqi dəyərləri, insan resursları siyasətini, səlahiyyət və məsuliyyəti və qarşılıqlı etibarı özündə cəmləşdirir. Bu qrupa 4 meyar daxildir: 1) başda dürüstlük olmaqla əxlaqi dəyərlər müəyyən olunmalı, işçilərə çatdırılmalı və bütün şirkətdə tətbiq olunmalıdır. 2) İnsan resurslarının idarə edilməsi qaydaları şirkətin əxlaqi dəyərləri və məqsədlərinə uyğun olmalıdır. 3) Qərarların düzgün şəxslər tərəfindən qəbul olunması və qəbul olunmuş qərarların icrasını təmin etmək üçün səlahiyyət və məsuliyyət aydın şə kildə müəyyən edilməli və müəssisənin məqsədlərinə uyğun olmalıdır. 4) Müəssisənin məqsədlərinə çatmasına istiqamətlənən fəaliyyəti artırmaq və işçilər arasında əlverişli informasiya mübadiləsini gücləndirmək üçün qarşılıqlı etimad, güvən mühiti yaradılmalıdır. Kafilik – işçilərin, informasiya və nəzarət sistemlərinin malik olmalı olduğu xüsusiyyətləri müəyyən edir. Bu, özündə 5 meyarı birləşdirir ki, bunlardan aşağıdakılardan ibarətdir: 1) Müəssisənin məqsədlərinə nail olunması üçün işçilər zəruri bilik, bacarıq və təchizata malik olmalıdırlar. 2) İnformasiya-kommunikasiya sistemi firma dəyərlərini və məqsədlərə nail olunmasını dəstəkləməlidir. 3) İşçilərin vəzifələrini yerinə yetirə bilmələri üçün kifayət qədər və müvafiq məlumatlar müyyən edilməli və onlara ötürülməlidir. 4) Müəssisənin müxtəlif bölmələri tərəfindən qəbul olunan qəralar və onların icrası arasında koordinasiya təmin olunmalıdır. 5) Nəzarət tədbirləri müəssisənin tərkib hissəsi kimi nəzərdən keçirilməli və onun məqsədlər, risklər və digər ünsürlərlə əlaqəsi araşdırılmalıdır. |