Saylanma.
Abdulla Oripov
www.ziyouz.com kutubxonasi
103
Ha, o‘zing yorlaqa, yaratgan egam,
Iblis yuraklarga qutqu solmasin.
Vijdondan mosuvo etmagin hech ham,
Toki u xotirot bo‘lib qolmasin.
1994
ERKINLIK
Egasi yo‘q tulporman,
Dala-dashtda kezguvchi.
Uchib
yurgan shunqorman,
Har sharpani sezguvchi.
Qo‘lga tushsam tulpor deb
Ko‘pkariga solurlar,
Yo, bos, qani, shunqor deb
O’ljasini olurlar.
1994
SHUKUR BURHON
Azamat
bir chinor,
Ayqirgan daryo.
Undan nariroqda salobatli tog‘.
Tepada poyonsiz haybatli samo,
Atrofda ufqqa tutash dala, bog‘.
Chinor soyasida ulug‘ mo‘ysafid
Sokin kuzatadi yeru osmonni.
U Shukur Burhondir, goho
shu taxlit
Tasavvur qilaman O’zbekistonni.
1994
BOSHPANA
To hayot ekansan bu olam aro
Boshingga savdolar tushgay rang-barang.
Gohida shukr aylab sevinsang, goho
Juda ko‘p narsadan sovir hafsalang.
Yuragingni siqar ming bitta savol,
Do‘st deb bilganingning adovatlari.
Qiynar unutilish,
mavhum istiqbol,
O’tgan yo‘llaringning nadomatlari.
Deysan nahot g‘olib dunyoda iblis,
Nahot yaxshilikning boshi doim xam.
Chulg‘ab olganida shundayin bir his,
Qayga qochar eding, bechora odam.
Saylanma. Abdulla Oripov
www.ziyouz.com kutubxonasi
104
Faqat tabiat bor - ilohiy maskan,
Faqat o‘shanga sen bepisand boqma.
Loaqal uni sen tanigin, Inson,
Yolg‘iz boshpanangni o‘t qo‘yib yoqma.
1994
Dostları ilə paylaş: