Microsoft Word saylanma abdulla oripov ziyouz com doc

www.ziyouz.com kutubxonasi 
124
Agar kuylar bo‘lsa Abdullo uni, 
Bir umrga sho‘x toridan ayrilmas. 
1996 
QO’LLANMA 
(Hazil) 
Bir kun hasrat qildi amaldor ukam, 
Dedi: Ne qilarim bilolmay qoldim. 
Agar tanbeh bersang - kimgadir alam, 
Taltayib ketadi maqtalgan xodim. 
Men dedim: O’ylab ayt har bir so‘zingni, 
Turfa andishani bir chetga tashla. 
Koyisang - eng avval koyi o‘zingni, 
Maqtovni ham avval o‘zingdan boshla. 
1996 
* * * 
Do‘stim, Haq deganni qo‘llagin faqat, 
Parvoz qilar bo‘lsa - osmoni bo‘lgil. 
Yovuzlikka qarshi qudrating ko‘rsat, 
Mudom ezgulikning posboni bo‘lgil. 
1996 
MASLAHAT 
Eshmat nomli ko‘chada 
Toshmat nomli do‘kon bor. 
Xizmat qilar u joyda 
Nurmat degan do‘kondor. 
Xarid qilgin sen undan 
Furqat nomli saqichni. 
Unutma, Pirmat degan 
Ko‘chaga ham boqishni. 
U yerdagi hammomning 
Qulmat nomin o‘yib ol. 
Boy bermasdan fursatni 
O’z ismingni qo‘yib ol. 
1997 
NADOMAT 
Menga afsonalar so‘ylama, uka, 
Rosa charchaganman yolg‘onni yozib. 

---

Saylanma. Abdulla Oripov 
www.ziyouz.com kutubxonasi 
125
Qirq yil ko‘taribman Insonni ko‘kka 
Ishonib, hazrat deb, yo‘limdan ozib. 
O’zingiz kim deya so‘rarsan axir, 
O’sha nokomilning men ham biriman. 
Tangrining yaratgan bandasi - faqir 
Boshqalar osmonu, men-chi, yeriman. 
Balki koinotning biror burjida, 
Bizdek nochorlarga bordir mos makon 
Lekin unga yetish qiyindir juda, 
Buni tark etmoq ham emasdir oson. 
Nachora, Insonni ko‘tarib ko‘kka, 
U kabi yashashni bila bilmadim. 
Yovuzlik qo‘limdan kelmadi, uka, 
Birovga yomonlik qila bilmadim. 
1997