| üstünlüklər nəzəriyyəsinə görə, əgər ölkələr digər ölkələrlə
müqayisədə nisbətən daha az xərclərlə istehsal edə bildikləri əmtəələrin
istehsalında ixtisaslaşırlarsa, onda ticarət hər iki tərəf üçün qarşılıqlı faydalı
olacaq. Bu zaman, istehsalın onların birində digərinə nisbətən mütləq
effektivliyə malik olması əhəmiyyətə malik olmayacaq.
Beynəlxalq dəyər nəzəriyyəsinin banisi Con Stüart Mill olmuşdur.
Beynəlxalq dəyər nəzəriyyəsinə görə, əmtəələrin mübadilə dəyəri onlara olan
tələbin elastikliyindən asılı olaraq formalaşır. O, müəyyən qiymət dairəsini
müəyyənləşdirir ki, bu dairədən də kənarda beynəlxalq mübadilə özünün
cəlbediciliyini itirir. Deməli, beynəlxalq dəyər nəzəriyyəsinə görə ölkələr
arasındakı əmtəə mübadiləsini optimallaşdıran qiymət mövcuddur və bu qiymət
tələb və təklifdən asılı olan bazar qiymətidir.
Dostları ilə paylaş: | 
