Tədqiqatın elmi yeniliyi. Nəzəri dilçilikdə yarım əsrdən çoxdur ki, mətn dilçiliyi intensiv olaraq tədqiq olunur. Bu barədə tədqiqatlar ayrı-ayrı dillər və tipoloji aspektdə intensivləşdikcə mətn dilçiliyinin yeni spektrləri meydana çıxır. Azərbaycan dilçiliyində ilk dəfədir ki, Azərbaycan dilinin faktları üzrə makromətnin təşkili prinsipləri və onun qurulma mexanizmi tədqiq olunur. Tədqiqat zamanı mikromətnin semantik təşkili, onun makrosistem aspektində davamı, mikrosistemin komponentləri arasında struktur və formal əlaqə vahidlərinin qarşılıqlı əlaqəsi, mikromətnlər arasında makromətn kontekstində əlaqənin müəyyənləşməsi, mikro və makromətndə komponentlər arasında oxşar semantik əlaqələrin mövcudluğu, makromətndə kontinium, iyerarxiya və s. məsələlər Azərbaycan dilçiliyində ilk dəfədir ki, sistemli şəkildə tədqiq olunur.
