AutoCAD da DesignCenter ayrı-ayrı faylların və hətta onların bloklarının daxilinə baxmağa imkan verir. Fayla baxdıqdan sonra onun tərkibindəki obyektləri dartma üsulu ilə dinamik halda aktiv fayla qoymaq olar. Obyekt kimi cizgi, blok, ölçü stili və s. göstərmək olar.
ADCENTER komandasını yüklədikdə DesignCenter pəncərəsi işıqlanır. Pəncərənin sol tərəfində Folder list (qovluqların siyahı) sahəsində kataloqlar görünür. Sağ tərəfdə isə obyektlərin eskizi görünür. Burada məsələn, blokun daxilində yerləşən obyektlərin piktoqramması ola bilər. Bu sahə əsasən dartma üçün istifadə edilir. Yəni buradakı obyektlər dartılaraq ekrana aparıla bilər.
Open a drawing (cizgini aç) komandası ilə seçilmiş faylın daxili göstərilir.
History (tarix) komandası ilə DesignCenter in müracət etdiyi son 20 faylın siyahısı verilir.
