Sİstem dəyİşənlərİ
AutoCAD bütün sazlamaları və əməliyyatları sistem dəyişmələrində saxlayır.
Məsələn, LTSCALE sistem dəyişənində xəttin ümumi miqyası saxlanılır, CELTSCALE dəyişənində isə obyektin xətlərinin miqyası saxlanılır. SETVAR komandasında bütün sistem dəyişənlərinin adı və onların parametrləri verilir.
Sistem dəyişənləri haqqında məlumat almaq üçün əsas menyudan ToolsInquirySet Variable (xidmət sorğu dəyişənlər) müraciət edilir. AutoCAD bunun nəticəsində soruşur: Variable name or? (dəyişənin adı və ya ?:). ? daxil edilir AutoCAD Variable(s) to list <*>(siyahıdakı dəyişən <*>), <Enter> düyməsi basılır və bütün dəyişənlər haqqında məlumat almaq olur və ya adı yazılmaqla həmin sistem dəyişəni haqqında məlumat alınır.
Əgər hər hansı bir sistem dəyişənini dəyişmək lazım olarsa, həmin dəyişən komandalar sətrinə yazılır və lazım olarsa onun parametri dəyişdirilir. Məsələn, CELTSCALE daxil edilməklə AutoCAD New value for CELTSCALE <1.00>(CELTSCALE -nin qiyməti <1.00>) yeni qiymət yazılsa, dəyişən həmin qiyməti alar.
Digər bir misalda FILEDIA sistem dəyişəni ilə tanış olaq. Bu sistem dəyişəni fayılların açılması və bağlanmasının haradan idarə edilməsini müəyyən edir. Onun qiyməti <0> olarsa fayıllar üzərində əməllər komandalar sətrindən yerinə yetirilir, <1> olarsa Windows altında işləyən digər proqramlarda olduğu kimi dialoq pəncərələrindən istifadə edilir.
Dostları ilə paylaş: | 
