| Tədqiqatın nəzəri və praktik əhəmiyyəti: Tədqiqatın əsas nəzəri məsələləri korpusun annotasiyalaşdırılması problemini əhatə edir. Aparılmış araşdırmalar markerləmənin ortaya atılmış problemlə birbaşa bağlılığını sübut edir. Korpus təcrübəsinin ümumiləşdirilməsi müasir milli korpusların yaradılmasının nəzəri problemlərinə yeni baxış bucağı altında baxmağa imkan verir. İşin nəzəri əhəmiyyətinin bir aspekti Braun, LOB, FLOB və digər korpusların təcrübəsinin Azərbaycan dili materialları əsasında təhlili ilə bağlıdır. Bununla yanaşı, işdə Azərbaycan dilinin milli korpusunun yaradılması istiqamətində aparılmış işlərin əsas xüsusiyyətləri də nəzəri planda təhlilə cəlb edilir.
Dissertasiya işinin praktik əhəmiyyəti ondan ibarətdir ki, dissertasiya işindən əldə olunmuş nəticələrdən Azərbaycan dilinin milli korpusunun qurulmasında, bu korpusun altfondlarını yaratmaqda istifadə oluna bilər. Bundan əlavə dissertasiya işi kompüter dilçiliyinə dair seminarların və xüsusi kursların tədrisində istifadə edilə bilər. Tədqiqatın nəticələri mətnin markerlənməsində də tətbiqini tapa bilər.
Dostları ilə paylaş: |
