Uduşlu lotereya biletlərinin və ya lotereya üzrə uduş fondunun “Lotereyalar haqqında ”Azərbaycan Respublikasının Qanununun 7.4-cü maddəsinə müvafiq olaraq lotereya biletlərinə bərabər tutulan digər məlumat daşıyıcıları əsasında oynanılması və uduşu nəzərdə tutulduğu halda bu məlumat daşıyıcılarının lotereya təşkilatçısı tərəfindən qəbulu, habelə uduşların verilməsi (ödənilməsi) qaydası və müddəti
Uduşlu nömrələrin lotereyanın təşkilatçısı tərəfindən qəbulu müddəti həmin tirajın uduş fondu oynanıldığı tarixdən etibarən 5 (beş) iş günündən gec olmayaraq başlayacaq və 90 iş günü davam edəcək.
Qaliblər uduşu almaq üçün müraciət etdikdən sonra uduşlar 30 iş günü ərzində qaliblərə ödəniləcəkdir. Uduşun ödənilməsi lotereyanın qalibi tərəfindən təqdim edilən lotereya qalibinin özünə məxsus olan bank hesabına nağdsız qaydada köçürmə yolu ilə aparılacaq.
Uduşu almaq üçün müraciət edərkən qalib bu məlumatları lotereya təşkilatçısının Baki şəh. Nizami küç, 203 unvanına məktub vasitəsilə təqdim etməlidir:
Lotereya iştirakçısının şəxsiyyətini təsdiq edən sənədin surəti (şəxsin qeydiyyat ünvanını əks etdirən məlumatlar daxil olmaqla);
bu şərtlərin 3.5-ci bəndinə əsasən qeydiyyata alınmış kassa çekinin əsli;
lotereya qalibinin bank rekvizitləri barədə məlumatlar;
Zərurət olduqda uduşlu nömrənin lotereya iştirakçısına məxsus olmasını təsdiq edən mobil operator ilə lotereya iştirakçısının müqaviləsi.
Yuxarıda qeyd edilən məlumatlar lotereya qalibi tərəfindən mobil əlavə vasitəsi ilə göndərildikdə, bu məlumatlar lotereya təşkilatçısı tərəfindən dərhal silinəcək.
Lotereyanın qalibi uduşu alarkən uduşun qəbul edilməsi haqqında aktı imzalamalıdır.
Qalib yuxarıda qeyd edilən sənədləri təqdim etmədikdə, uduş oynanılmamış hesab edilir. Qalib verilən müddət (90 iş günü) bitənədək uduşu almaq üçün gəlməsə, uduşu almaq hüququndan məhrum olunur.
Təşkilatçı tələb olunan məlumatlardan hər hansı birinin olmamasına görə məsuliyyət daşımır.
Lotereya iştirakçısı uduşu yalnız 1 dəfə qazana bilər.
Aşağıdakı hallar mövcud olduqda uduşlar qaliblərə verilməyəcək:
Qalib şəxs tərəfindən lotereyanın keçirilməsi ilə bağlı qanunazidd hərəkətlər edildikdə;
Qalib şəxs tərəfindən bu şərtlərin müddəalarına riayət edilmədikdə;
Bu şərtlər ilə tələb olunan məlumatlar (sənədlər) lotereya təşkilatçısına təqdim edilmədikdə;
Qalib tərəfindən uduşun alınmasını təsdiq edən akt imzalanmadıqda;
Lotereyada iştirakdan və uduşun alınmasından qalib şəxs imtina etdikdə;
Fors-major halların baş verməsi halında.
Lotereyada qalib gələn şəxsin mobil nömrəsi hüquqi şəxsin adına qeydiyyata alındığı halda, uduşu vermək lotereya təşkilatçısının mülahizəsinə buraxılır.
Qalib şəxslər lotereya ilə əlaqədar çəkdikləri xərcləri özləri ödəyirlər.
Lotereya iştirakçısının AR Vergilər Məcəlləsinin 101.5-ci maddəsinə əsasən lotereyaların keçirilməsindən pul şəklində əldə edilən uduşlardan (mükafatlardan) iştirakla bağlı ödənilən pul vəsaiti (pul qoyuluşu) çıxılmaqla qalan 10 faiz dərəcə ilə vergi tutulacaq. Vergi tutulamsı lotereya təşkilatçısı vasitəsi ilə həyata keçiriləcək. Lotereya təşkilatçısı vergi agenti rolunda çıxış edəcək.
| 
