Həbsimə çoxlu səbəb vardı, amma bu dəfə hansının buna gətirib çıxardığını, onların nəyi öyrəndiklərini bilmirdim. 149
Mənim gizli dərslərim çox olurdu: hövzə tələbələri üçün bir dərs yazır, sonra şərh edib onlara verirdim ki, surətini çıxarsınlar. Bu dərslər inqilab və İslam hərəkatı mövzusunda olurdu. 149
Həmin dərslərin birində altı tələbə iştirak edirdi. Başqa bir dərsdə üç tələbə, üçüncü dərsdə isə bir tələbə olurdu. Həmin bir tələbə əfqanıstanlı idi, sonralar Əfqanıstanın kommunist rejimi çoxlu din alimini qətlə yetirəndə şəhadətə qovuşdu. 149
Məktəb şagirdlərindən və universitet tələbələrindən ibarət gənclərlə başqa bir gizli dərsimiz də olurdu. Tacirlərlə də məxfi bir iclas keçirirdik. Digər fəaliyyət iclaslarında da bəzi hövzə tələbələri ilə siyasi vəziyyəti araşdırır və lazımi işləri görürdük; məsələn, bülleten çıxarır, Quma bülleten göndərir və ya oradan gətirirdik. 149
