Möhtəşəm fərman

2. Düşmən qarşısında uzunmüddətli proqram hazırlamaq

Əgər düşmən cəbhəsinin bizim ölkəmiz və inqilabımız üçün uzunmüddətli proqramının olduğunu qəbul ediriksə, deməli, bizim də uzunmüddətli proqramımız olmalıdır. İslam oyanışı sarıdan güclü təhdid olunan İslam və inqilab düşmənləri cəbhəsinin uzunmüddətli proqramının olmamasını qəbul etmək olmaz. Buna heç kəs inana bilməz. Buna inanmaq üçün çox sadəlövh və avam olmalıyıq... Bizim də uzunmüddətli proqramımız olmalıdır.

3. Cəmiyyətin agahlıq əldə etməsi

Agahlıq bu fikirləşməkdən, bu baxmaqdan ibarətdir, artıq gözlənti deyil. Beləliklə anlamaq olar ki, agahlığa nail olmaq hamının işidir; hamı agah ola bilər... Mən siz gənclərə demək istəyirəm: Siz müsəlman İranı qurmaq, yəni həm əziz vətəninizi, xalqınızı və tarixinizi başıuca etmək, həm də əzəmətli İslam qarşısındakı vəzifənizi yerinə yetirmək üçün - bu gün kimsə müsəlman İranın başucalığı üçün çalışsa, həm öz vətəninə, xalqına və tarixinə xidmət etmişdir, həm də bəşəriyyətin xilas amili olan əziz İslama – ayıq-sayıq olmalısınız, səhnədə olmalısınız, agahlığı rəhbər tutmalısınız. Ehtiyatlı olun ki, avamlığa düçar olmayasınız.

4. Dünyaya hakim olan yanlış üsulla mübarizə aparmaq üçün gənclərin hazırlığı və Allaha arxalanması

Müsəlman iranlı gənc özünü hazırlamalı, inkişaf yolunda Allah-Taalaya arxalanmalı, Ondan yardım ummalı, agah şəkildə irəliləməlidir. Bu zaman dünyaya hakim olan yanlış üsulla mübarizə aparmaq üçün münasib imkanlar əldə olunacaq.

Möhtəşəm xidmət

Qum vilayətinin icra məmurları ilə görüşdəki çıxış

27 Oktyabr 2010

Bismillahir-Rəhmanir-Rəhim.

Həmd və səna aləmlərin Rəbbinə məxsusdur. Ağamız və peyğəmbərimiz Əbülqasim Məhəmməd Mustafaya və onun pak və seçilmiş ailəsinə, xüsusən də Allahın Yer üzündə saxladığı (İmam Mehdiyə) salavat və salam olsun!

Salam olsun, sənə, ey sərvərim və mövlam, ey Fatimə Məsumə, ey Musa ibn Cəfərin qızı! Allahın salamı olsun olsun sənə, sənin pak və məsum ata-babalarına!

İran xalqının və Qum şəhərinin səmimi və ixlaslı xidmətçiləri ilə bu gün çox şirin olan bu görüşə çox şad oldum. Mən Qum şəhərinin abadlığına və bu əziz xalqın rifahına kömək etməkdən ötrü zəhmət çəkib Quma təşrif buyurduqlarına və həzrət Məsumənin məqbərəsinə gəldiklərinə görə möhtərəm Dövlət Şurasına təşəkkür edirəm. Hər hansı bir sahədə xidmət göstərən siz möhtərəm məclis iştirakçılarının hamısına təşəkkür edirəm. Ümidvaram ki, Allah-Taala sizə yardım etsin, sizdən razı olsun və inşallah bu əziz, mömin və aktiv xalqı sözün əsl mənasında razı sala biləsiniz.

Xalqa xidmətin dəyər və əhəmiyyəti

Hər bir şəxs üçün böyük bir səadət xidmət səadətidir. Allah-Taalaya görə insana xidmət etmək öz-özlüyündə bir dəyər və savabdır. Əgər xidmət etdiyiniz xalq imana, cihada və ictimai hərəkətlərdə ali hisslərə malik olan bir xalq olsa, o xalqa xidmət göstərmək daha dəyərli olacaq. Qum xalqına xidmət də belədir. Bu mömin xalq ötən on illər ərzində ağır vəzifələrlə qarşı-qarşıya qaldıqda öz imtahanını yaxşı vermiş və başıuca çıxmışdır. Bu xalqa xidmət göstərmək həqiqətən böyük səadətdir. Əziz və möhtərəm qardaş və bacılar bunun qədrini bilsinlər.

Qum şəhərinin əhəmiyyəti

Tağut dövründə Qumun vəziyyəti və əhəmiyyəti

Qum tağut hakimiyyəti tərəfindən sevilmirdi. Onun sevilməməsi də bu şəhərin mənəvi və həqiqi imtiyazlarına görə idi; dindarlığına görə, ruhaniliklə rabitəsinə görə, bu şəhərdə olan elmi hövzəyə görə. Rza xanın zülmünə qarşı ilk mübarizə Qumdan başlandı. Mərhum Hacı ağa Nurullah İsfahani Rza xan hakimiyyətinin əvvəllərində onun diktaturası ilə mübarizə aparmaq üçün Qumu öz sığınacağı etdi, Quma gəldi. Ölkə alimləri müxtəlif şəhərlərdən Quma toplaşdılar. Bu mübarizə təbii ki, hərbi və diktator Pəhləvi hökumətinin təzyiqi ilə üzləşdi, mərhum Hacı ağa Nurullah zəhərlənib şəhadətə qovuşdu. Ondan sonra bu pak məqbərənin həyətində təqvalı bir din aliminin hicabın qadağan olunması əleyhinə fəryadı ucaldı və hamının diqqətini cəlb etdi. Rza xan Tehrandan Quma gəldi, həmin alim, təqvalı, mömin, mücahid və mənəviyyatlı kişini döydü. Qumda Pəhləvi rejiminə qarşı mübarizənin belə keçmişi var. Deməli, məsələ yalnız 1962-ci ildə başlayan ruhani mübarizələri dövründən sonraya aid deyil. Bunların hamısı tağut hökumətinin Qumla bir düşmən kimi rəftar etməsinə bais olmuşdu. Buna görə Qumda abadlıq yox idi, lazımi büdcələr ayrılmırdı, müxtəlif imkanlar yox idi, Quma digər yerlərdən daha az diqqət yetirirdilər. Tağut dövründə xalqın çoxlu ehtiyacları görməzliyə vurulurdu, xalqla maraqlanmırdılar. Onların başqa işləri vardı. Lakin bununla yanaşı Qum digər şəhərlərlə müqayisədə daha məhrum qalmışdı. Qumun vəziyyəti belə idi.

Qum inqilabdan sonra

İnqilabdan sonra Quma xüsusi diqqət yetirildi. Həqiqətən məlumatlarda olduğu və mənim də təsdiqlədiyim kimi, beş il öncədən etibarən Qumun abadlaşması üçün hərəkət və kömək artdı, sürətləndi və nəzərəçarpacaq inkişaf yarandı. Bəli, bu faydalıdır, lakin davam etdirilməlidir. Əgər bu gün möhtərəm məmurların Qumun işlərinə dair göstərdikləri bu səy, bu həvəs və sevgi davam etsə, ümidvarıq keçmişin çoxlu gerilikləri inşallah tədricən düzəlsin. Və bu, ölkə üçün mühüm məsələdir.

Qumun beynəlxalq mövqeyi və əhəmiyyəti

Quma xidmət etmək yalnız bir şəhərə xidmət deyil, ölkəyə və ölkənin imicinə xidmətdir. Çünki bura inqilabın özülüdür, ruhaniliyin özülüdür. Ən böyük elmi hövzə burada yerləşir. Görkəmli elmi və dini şəxsiyyətlər bu şəhərdə yaşayırlar və bura dünyanın ümumi diqqət mərkəzindədir. Siz baxın, bu bir neçə gündə dünyanın bütün media şəbəkələri Quma, Qum xalqına və Qum ruhaniliyinə yer ayırdılar. Bu, Qum şəhərinin əhəmiyyətini göstərir, bu şəhərin mərkəzliyini göstərir. Buna əsasən, bu şəhərə xidmət İslam Respublikasının imicinə xidmətdir.

Düşmənlərin İslam inqilabına qarşı daimi siyasəti

İnqilab və İslam simvollarını zəiflətmək

İnqilab illəri boyu düşmənlərin təbliğat proqramlarından biri inqilab və İslam simvollarını zəiflətmək olmuşdur. Milli səviyyədə İslamın və inqilabın simvolu olan hər bir şeyi zəiflətməyə çalışmışlar. Ruhaniliyi gözdən salmaq və məsxərə etmək də bu qəbuldəndir; bir çox İslam təlimlərini zəiflətmək, aşağılamaq və müxtəlif şəxslər tərəfindən irad bildirilməsi də bu qəbildəndir; Qumu gözdən salmaq da bu qəbildəndir.