| Sual əvəzlikləri. Sual əvəzlikləri cümlə daxilində müəyyən bir şəxsi, predmet, əlamət və ya kəmiyyəti sual tərzində yenə də ümumi halda bildirir. Şübhəsiz, sual əvəzlikləri də şəxs əvəzlikləri kimi eyni cümlə daxilində heç bir nitq hissəsini tamamilə əvəz edə bilmir. Bunların işləndiyi cümlədən sonra ikinci bir cümlə, cavab cümləsi olmalıdır ki, orada sual əvəzliyinin yerini tuta bilən bir söz olsun. Bunlardan kim və nə sual əvəzlikləri tamamilə şəxs əvəzlikləri kimi cümlənin mübtədası, tamamlığı və xəbəri olur.
Azərbaycan dilində işlənən əsas sual əvəzlikləri aşağıdakılardır: kim, nə, hara, hansı, haçan, necə, neçə. Bunlardan kim, nə, hara, hansı, neçə sözləri hal və cəm şəkilçiləri qəbul edərək müxtəlif hallarda sual əvəzlikləri ola bilir və bunların hallanması isimlərin hallanmasından fərqlənmir: kimlər, nələr, haralar, kimə, nəyə, haraya
Bunlardan başqa, nə sözü vasitəsilə nə vaxt, nə zaman, nə cür, nəyə görə, nədən ötrü, nə təhər, nə səbəbə, nə üçün, nə qədər və s. kimi mürəkkəb sual əvəzlikləri də əmələ gəlir. Məs.: Nə üçün gec gəldin?
Dostları ilə paylaş: |
