Hüquqi şəxs tərəfindən digər hüquqi şəxsin (hüquqi şəxslərin) paylarının əldə edilməsi;
Hüquqi şəxsin təsərrüfat fəaliyyətinin nəticələrinin yekunlaşdırılması;
Hüquqi şəxsin fəaliyyəti barədə məlumatın açıqlanması.
İnvestorların (səhmdarların) və digər maraqlı şəxslərin hüquqlarının təmin edilməsi baxımından korporativ hərəkətlər maksimal açıqlıq və şəffaflıq şəraitində həyata keçirilməlidir.
Korporativ İdarəetməyə təsir göstərən amillər aşagıdakılardır.
Xarici (ölkəyə məxsus) faktorlar:
- iqtisadiyyatın ümumi vəziyyəti; - mədəniyyət ənənələri; - normativ-hüquqi aktlar və onların icra mexanizmi: -müxtəlif təşkilati hüquqi formalı müəssisələrin yaradılması və fəaliyyəti haqqında, investorların hüquqlarının müdafiəsi haqqında, müflisləşmə haqqında, qiymətli kağızlar bazarları haqqında qanunvericilik;
- qiymətli kağızlar bazarının tənzimlənməsi;
- informasiya infrastruktutu: maliyyə hesabatları və audit standartları, məlumatların vaxtında, tam və düzgün verilməsinə dair tələblər;
- bazarlar: səhm və suda kapitalı, əmək və digər bazarlar.
Daxili faktorlar (müəssisənin faktorları):
- Müəssisənin təsis sənədləri: əsas strateji qərarların qəbul olunmasında, direktorlar şurasının və idarə heyətinin təyin olunmasında səhmdarların və kreditorların iştirak hüququ, şirkət əməkdaşlarının əməllərindən qorunma mexanizmi, mülkiyyət hüquqlarının qorunması və s.
- Şəffaflıq: müəssisənin maliyyə vəziyyəti, öhdəlikləri və mülkiyyət strukturuna dair məlumatların tam, düzgün və vaxtında açıqlanması (Azərbaycan üçün xüsusilə beynəlxalq maliyyə hesabatları standartlarına keçmək məsələsi gündəlikdə dayanır);
