TAPın hərəkət marşurutuna- əsasən qaz kəməri Yunanıstanın Komotini şəhərindən Albaniyaya , bundan sonra isə Adriatik dənizinin dibi ilə İtalyanın Brindzi limanına qədər uzanacaqdır.
TAP–ın ümumi uzunluğu- 800 kilometrdir. Bunun 478 km-lik boru xətti Yunanıstan ərazisindən, 105 km-lik xətti isə Adriatik dənizinin dibindən keçəcəkdir.
TAP layihəsi çərçivəsində - Yunanıstana 1.5 mlrd Avro məbləğində investisiya resruslarının yatırılması, 2000 nəfərin isə daimi işlə təmin olunacağı gözlənilir.
-Böyük İpək Yolu- BİY dünya sivilizasiyasının ən qədim nəqliyyat marşrutlarından biri kimi tarixə düşmüşdür. Bu yol Avropa ilə Asiya arasında uzun məsafənin ən effektivli birləşdirici qovşağı kimi fərqlənir. Son 20-30 ildə BİY-in dirçəldirilməsi və bu yoldan daha səmərəli istifadə edilməsi istiqamətində dünya səviyyəsində ciddi diskussiyalar intensivləşmiş və bir sıra mühüm tarixi qərarlar qəbul edilmişdir. Məsələn, Avropa Birliyi Komissiyasının 1993-cü ilin mayında Brüsseldə (Belçika) Qafqaz və Mərkəzi Asiya dövlətlərinin milli və beynəlxalq nəqliyyat, ticarət kommunikasiyalarının inkişafı strategiyasının müzakirəsi keçirilmiş və həmin Konfransda TRASEKA Proqramı qəbul olunmuşdur.
