1958-ci ildə Bakıda ilk turist bazası tikilib və bura ildə 20 min turist qəbul edilirdi.
İsmayıllı, Şəki, Zaqatala rayonlarının iqtisadiyyatında turizm sahəsi əsas olmalıdır. Bu yerlər təbiətin canlı muzeyidir. Bu ərazidən beynəlxalq turist marşrutu keçərək Gürcüstana, Dağıstana gedir. Bunun üçün Qəbələ, Şəki, Zaqatala rayonlarındakı mövcud turist bazalarını inkişaf etdirmək, yeni motellər tikmək lazımdır. Şəki şəhəri qədim şəhərdir və tarixi abidələrlə zəngindir. Bu qədim şəhər turizmin inkişafı üçün əlverişli coğrafi mövqeydə yerləşir.
Şamaxı-Pirquluda Astrofizika rəsədxanasının yaxınlığında il boyu fəaliyyət göstərən iri turizm mərkəzi fəaliyyət göstərir. Buranın təmiz havası, heyvandarlığın və bağçılığın inkişafına zəmin yaradır. Qar örtüyünün çoxluğu isə qış idman növlərinin inkişafı üçün əlverişlidir.
Azərbaycanda turizm sahəsi günü-gündən inkişaf edir və tezliklə iqtisadiyyatın ən mühüm sahələrindən birinə çevriləcəkdir.
Turizm xidmətləri və sənayesi bir çox aparıcı ölkələrin iqtisadiyyatında önəmli sahələrdən biri hesab olunur. Turizm sektoru yüksək gəlirli olduğundan, onun inkişaf etdirilməsi qarşıya qoyulmuş əsas məqsədlərdən biridir. Başqa sözlə desək dünya iqtisadiyyatında turizm neft hasilatı ilə rəqabət apara biləcək mövqelərə malikdir.
Dostları ilə paylaş: |
