Mövzu İqtisadi nəzəriyyənin predmeti və metodu.( 2 saat)

Mövzu 7. Bazar infrastrukturu.( 2 saat)

Plan
1. Infrastruktur anlayışı, onun növləri və bazarın normal fəaliyyət göstərməsində rolu.

2. Birjanın mahiyyəti və növləri.

3. Birja sövdələşmələri və onların növləri.

4. Lizinq şirkətləri və bazar iqtisadiyyatı şəraitində onların rolu.

5. Yarmarka və auksionlar.

6. Bazar infrastrukturunun qeyri- hökumət təsisatları.
1. Infrastruktur anlayışı, onun növləri və bazarın normal fəaliyyət göstərməsində rolu.
Iqtisadiyyat iki böyük sahəyə ayrılır: 1) Istehsal sahələri, 2) Qeyri-istehsal (sosial) sahələri.

Istehsal sahələrinə sənaye, kənd təsərrüfatı, meşə təsərrüfatı, ti­kinti, yük nəqliyyatı, ticarət, iaşə şəbəkəsi və s., qeyri-istehsal sahələrinə isə mənzil-kommunal təsərrüfatı, təhsil, səhiyyə, sosial təminat, mədə­niyyət, incəsənət və s. aiddir. Göründüyü kimi, istehsal sahələrinin ha­mı­sı eyni vəzifələri yerinə yetirmir, bunlardan bəziləri nemətlərin isteh­salı ilə bilavasitə məşğul olduqları halda, digərləri həmin sahələrin fəa­liyyət göstərməsi üçün şərait yaradır, onlara xidmət edirlər. Qeyri-isteh­sal sahələri də yerinə yetirdikləri funksiyalara görə xidmət sahələrinə aid edilir. Odur ki, bütün bunları nəzərə almaqla istehsal və sosial infrastrukturları¹ bir-birindən fərqləndirmək, bunun üçün isə ilk əvvəl, bu anlayışın mahiyyətini aydınlaşdırmaq lazımdır. Infrastruktur dedik­də, fəaliyyətdə olan struktur-lara xidmət göstərən müəssisə və sahələrin toplusu nəzərdə tutulur.