Mövzu İqtisadi nəzəriyyənin predmeti və metodu.( 2 saat)

5. Yarmarka və auksionlar (hərraclar).
Yarmarka alman dilində hər il keçirilən bazar deməkdir.Topdansatış ticarəti öz inkişafında müxtəlif formalar – yar­marka¹, xüsusi topdansatış bazarları, əmtəə birjaları və s. – almışdır. Göründüyü kimi, yarmarka topdansatış ticarətinin xüsusi formasıdır. Digər tərəfdən, yarmarkalar və auksionlar əmtəə birjalarının klassik formaları sırasına daxildirlər və bu gün də bazar infrastrukturunda özlərinə məxsus xüsusi yer tuturlar.

Öz mahiyyətlərinə görə yarmarkaların əsas fərqlən-dirici xüsu­siyyəti onların müəyyən dövrdən bir, həftədə və ya ildə bir neçə dəfə ke­çirilməsidir. Birjadan fərqli olaraq yarmarkada alqı-satqı əməliyyat­la­rında alıcılar və satıcılar ya bilavasitə özləri iştirak edirlər, ya da bu­ra­ya onların adından danışmaq üçün özlərinin səlahiyyətli nümayəndə­lə­rini – agentlərini göndərirlər.