İnkişaf prinsipinə görə uşaq yalnız fəaliyyətdə inkişaf etmir. Fəaliyyət həm də uşağın öyrənilməsinin və onun aşkar edilmiş qüsurlarının korreksiya edilməsi vasitəsidir.
Fərdi yanaşma prinsipi. Konsultasiya prosesində hər bir uşağın fəaliyyətinin, özünəməxsus inkişaf tempinin nəzərə alınmasını əks etdirir.
Şüurla davranışın vəhdəti prinsipi.Şüurun fəaliyyət vasitəsilə öyrənilməsinin zəruriliyini ifadə edir.
Könüllülük və anonimlik prinsipi. Konsultasiya prosesinə cəlb edilənlərin könüllülüyünü və aparılan işin mahiyyətinin gizli saxlanılmasını nəzərdə tutur.
